حالىقارالىق اۋىر اتلەتيكا فەدەراسياسى (IWF) 2008 جىلعى پەكين وليمپياداسىنىڭ سىنامالارىن قايتا تەكسەرگەندە دوپينگ ىزدەرى تابىلعان سپورتشىلاردىڭ ءتىزىمىن جاريالادى، - دەپ حابارلايدى Qamshy.kz SZH.kz-كە سىلتەمە جاساپ.

تىزىمدە پەكين وليمپياداسىندا 94 كيلوگرامدا چەمپيون اتانعان قازاقستاندىق اۋىر اتلەت يليا يلين دە بار. IWF ءيليننىڭ پەكيندەگى سىناماسىنان ستانوزول تابىلعانىن حابارلادى.

وسىعان دەيىن حالىقارالىق اۋىر اتلەتيكا فەدەراسياسى لوندون وليمپياداسى كەزىندە الىنعان سىنامالاردى قايتا تەكسەرگەندە ون اتلەتتىڭ دوپينگ قولدانعانى راستالعانىن حابارلاعان. ول تىزىمدە دە يليا ءيليننىڭ ەسىمى بولعان.

حالىقارالىق اۋىر اتلەتيكا فەدەراسياسى (IWF) جاريالاعان «دوپينگ سىنامالارى وڭ ناتيجە بەرگەن» سپورتشىلار تىزىمىندە 2012 جىلعى لوندون وليمپياداسىندا التىن ۇتىپ العان قازاقستاندىق اۋىر اتلەتتەر قازاقستاندىق سۆەتلانا پودوبەدوۆا، ءزۇلفيا چينشانلو جانە مايا مانەزا دا ەنگەن.

ەندى بۇل سپورتشىلاردى وليمپيادا مەدالىنەن ايىرۋ جانە ريو وليمپياداسىنا جىبەرۋ ماسەلەسىن حالىقارالىق وليمپيادا كوميتەتى شەشەدى.

پەكين وليمپياداسىندا قازاقستان ەكى التىن، ءتورت كۇمىس، جەتى قولا مەدالمەن جالپى ەسەپتە 29-ورىن العان.