2016 جىلدىڭ 13 - 18 ماۋسىم ارالىعىندا قاراعاندى وبلىسىنىڭ "سپاسسك" پوليگونىندا II رەسپۋبليكالىق اسكەري-پاتريوتتىق «ايبىن» جاستار جيىنى ءوتتى، - دەپ حابارلايدى Qamshy.kz.
وقۋ ورتالىعىندا جازىلعان شاتىرلارىندا 800-دەن اسا جاستاردىڭ باسى قوسىلدى. ولار رەسپۋبليكانىڭ بارلىق وڭىرىنەن كەلگەن اسكەري-پاتريوتتىق كلۋبتاردىڭ تاربيەلەنۋشىلەرى، سونداي-اق رەسپۋبليكالىق اسكەري-مەكتەپ ينتەرناتتارىنىڭ جانە 26 جوعارى وقۋ ورىندارداعى اسكەري كافەدرالاردىڭ ستۋدەنتتەرى.
جيىندى سالتاناتتى تۇردە اشقان قورعانىس ءمينيسترىنىڭ ءبىرىنشى ورىنباسارى - ق ر قارۋلى كۇشتەرىنىڭ باس شتاب باستىعى گەنەرال-پولكوۆنيك ساكەن جاسۇزاقوۆ. اشىلۋ سالتاناتىندا جاس پاتريوتتارعا، بولاشاق وتان قورعاۋشىلارىنا ق ر قم قۇرمەتتى قاراۋىل روتاسىنىڭ اسكەري قىزمەتشىلەرى ءوز شەبەرلىكتەرىن، سپەسناز جاۋىنگەرلەرى ءوز كۇشتەرى مەن بەيىمدىلىكتەرىن كورسەتتى. ەلدىڭ اسكەري-اۋە كۇشتەرى مەن قۇرلىقتاعى اسكەرلەرىنىڭ بولىمشەلەرى ءوزارا ارەكەتتەسىپ شارتتى قارسىلاستىڭ شابۋىلداۋىنا تويتارىس بەرۋ بويىنشا ارنايى وپەراسياسىن ورىندادى. ەستە قالاتىنى، "ايبىن" جيىنىنا بيىل قازاقستان جوعارى وقۋ ورىندارى جانىنداعى اسكەري كافەدرالارىنىڭ قىز-كۋرسانتتارى دا قاتىستى.
سپورتتىڭ اسكەري-قولدانبالى تۇرلەرى، اسكەري-دالالىق تاكتيكالىق ويىندار، روبوتوتەحنيكا سايىسى جانە "ايبىن دارىنى" ينتەللەكتۋالدى سايىسى بويىنشا ەڭ ۇزدىكتەر قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆتىڭ قولىنان ءوز جۇلدەلەرى مەن سىيلىقتارىن الدى.
ءال-فارابي اتىنداعى قازۇۋ اسكەري كافەدرا ستۋدەنتتەرى بارلىق سايىستار مەن جارىستارعا قاتىستى. "ايبىن دارىنى" ينتەللەكتۋالدى جارىسىنىڭ يەگەرى - ەسەنوۆ دوسبول، ال جەكە سىناقتا 52 قىزدار اراسىنان 2 ورىندى ستۋدەنت ومىرسەرىك قىزى اينۇر بولسا، "مەنىڭ روبوتىم" نوميناسياسىندا "ەڭ ۇزدىك جوبا جانە ۇزدىك تەحنيكالىق قۇجاتتاما" ءۇشىن 1 ورىندى ستۋدەنت راحاتوۆ داستان يەلەندى.
اسكەري-پاتريوتتىق "ايبىن" اتتى جاستار جيىنىنىڭ قورىتىندىلارى بويىنشا ءال-فارابي اتىنداعى قازۇۋ اسكەري كافەدرانىڭ كومانداسى 26 قاتىسقان كوماندالار اراسىنان 3 جۇلدەلى ورىندى الدى. 2015 جىلى ءبىزدىڭ كوماندا جالپىكوماندالىقتا 13 ورىن العان. بۇل جەتىستىك پروفەسسورلىق-وقىتۋشى قۇرامى مەن اسكەري كافەدرا ستۋدەنتتەرىنىڭ جەمىستى ەڭبەكتەرىنىڭ ناتيجەسى بولىپ تابىلادى.
ەلنارا بەيسەتبايەۆا
ءال-فارابي اتىنداعى قازۇۋ اسكەري كافەدراسىنىڭ اسكەري-پاتريوتتىق جانە جاپپاي-قورعانىس جۇمىس ءبولىمىنىڭ باستىعى
