قاراعاندى وبلىسىندا ءسىبىر جاراسىن جۇقتىردى دەگەن كۇدىكپەن اۋرۋحاناعا جاتقىزىلعاندار سانى ارتىپ وتىر، - دەپ حابارلايدى Qamshy.kz.

دارىگەرلەر وبلىستىڭ شەت اۋدانىندا جەتى تۇرعىننىڭ ينفەكسيالىق اۋرۋحاناعا جاتقىزىلعانىن، ەكەۋىنىڭ وتكەن تۇندە كوز جۇمعانىن حابارلادى.

«20 ماۋسىم كۇنى قاراعاندىنىڭ ينفەكسيالىق اۋرۋحاناسىنا شەت اۋدانىنان جەتى ادام ينفەكسيالىق اۋرۋ جۇقتىردى دەگەن كۇدىكپەن جەتكىزىلگەن. ناۋقاستاردىڭ جاسى 23-50 جاس ارالىعىندا بولدى. جەتكىزىلگەندەردىڭ ەكەۋى ينفەكسيالىق شوك جاعدايىندا بولعان. تۇندە ول ەكەۋى قايتىس بولدى»، - دەيدى قاراعاندى وبلىستىق دەنساۋلىقساقتاۋ باسقارماسىنىڭ باسپا ءسوز حاتشىسى ايجان يسا.

قايتىس بولعانداردىڭ ءبىرى 33 جاستاعى ايەل، ەكىنشىسى – 50 جاستاعى ەر كىسى. ءقازىر ينفەكسيونيست دارىگەرلەر ناۋقاستاردىڭ دياگنوزىن انىقتاۋ شارالارىن جۇرگىزۋدە.

«باكتەريولوگيالىق زەرتتەۋلەر بىر-ەكى تاۋلىك ىشىندە دايىن بولادى. وسىنىڭ نەگىزىندە اقىرعى دياگنوز قويىلادى. ءقازىر شەت اۋدانىندا سانيتارلىق-ەپيدەميولوگيالىق شارالار جۇرگىزىلۋدە. ۆەتەرينارلىق قىزمەت جۇمىس ىستەپ جاتىر»، - دەيدى ا. يسا.

بۇعان دەيىن شىعىس قازاقستان وبلىسى جارما اۋدانىندا دا ەكى ادامنىڭ ءسىبىر جاراسىن جۇقتىردى دەگەن كۇدىكپەن اۋرۋحاناعا جاتقىزىلعانى حابارلانعان بولاتىن.