ەلباسىنىڭ ەرەكشە سەنىمىنە يە ادام رەتىندە ءماجىلىس سپيكەرى بولىپ تاعايىندالۋى مۇمكىن. قازىرگى ۋاقىتتا پارلامەنت جۇمىسىن تولىققاندى، كەشەندى قامتاماسىز ەتۋ ءۇشىن ساياسي بەدەلگە يە، مىقتى وراتور، ساياسي جەتەكشى قاجەت. ساياساتكەر بەرىك ءۋالي ەلدەگى سوڭعى كادرلىق اۋىس-تۇيىستەردى وسىلايشا تۇسىندىرەدى. بۇل تۋرالى Qamshy.kz حابارلايدى.
«ەلدە ساياسي رەفورمالار جۇزەگە اسىرىلاتىن بولسا، پارلامەنتتىڭ ءرولى كۇشەيىپ، كوپتەگەن مىندەتتەر جۇكتەلۋى مۇمكىن. وسى ۋاقىتتا زاڭ اتقارۋشى ورگاننىڭ جۇمىسىن رەفورمالاۋ، وزگەرىستەر ەنگىزۋ سياقتى جاڭعىرتۋ جۇمىستارىن بىلىكتى دە سالماقتى، كاسىبي مەنەدجەر عانا جۇرگىزە الادى. ءوزىمىز بىلەتىندەي، ساپالى قابىلدانعان زاڭ اكتىلەرى رەفورمالار كەشەنىن جۇرگىزۋگە نەگىز بولعاندىقتان، بۇگىنگى كۇن تارتىبىندە كاسىبي پارلامەنت جۇمىسىن قامتاماسىز ەتۋ وزەكتى بولۋدا»،- دەيدى بەرىك ءۋالي.
