الماتى تۇرعىنى ەڭبەكاقىسىن سۇرايمىن دەپ، باسشىسىنىڭ قولىنان ءولىم قۇشقان، - دەپ حابارلايدى Qamshy.kz Tengrinews.kz –كە سىلتەمە جاساپ.

«ساپارزان» ج ش س ديرەكتورى ءوز جۇمىسشىسىنا 1،5 ميلليون تەڭگە قارىز بولعان كورىنەدى. اتالعان سومانى سۇراعان جۇمىسشىسىن كومپانيا باسشىسى قالا سىرتىنا الىپ شىعىپ، ءولتىرىپ كەتكەن.

قىلمىستىق ءىس ماتەريالدارىندا 2015 جىلدىڭ ماۋسىمىندا كومپانيا باسشىسىنىڭ جۇمىسكەرىن الماتى ىرگەسىندەگى تۇرار ساياجايىنا شاقىرىپ، سول جەردە تاعى ءبىر سىبايلاسى ەكەۋى وعان اراق ىشكىزگەنى، ارتىنان قول-اياعىن سكوچپەن بايلاپ، اۋزىنا كونياك قۇيىپ تۇنشىقتىرعانى ايتىلادى.

ولتىرىلگەن جۇمىسشىنىڭ مۇردەسىن دە سول ساياجاي اۋماعىنا كومىپ كەتكەن. كوپ ۇزاماي كومپانيا باسشىسى دا ونىڭ سىبايلاسى دا قولعا تۇسكەن.

اۋدانارالىق مامانداندىرىلعان قىلمىستىق سوت شەشىمىمەن ەكى كۇدىكتىنىڭ دە قىلمىسى دالەلدەنىپ، ولاردى 17 جىل باس بوستاندىعىنان ايىرۋ تۋرالى ۇكىم شىقتى. جازاسىن قاتاڭ رەجيمدەگى تۇزەۋ مەكەمەسىندە وتەيتىن ولاردىڭ مۇلكى دە تاركىلەنەتىن بولدى.