بۇگىن پارلامەنت سەناتىنىڭ جالپى وتىرىسىندا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى قىزمەتىنە نۇرلان امانگەلدى ۇلى نۇرجانوۆ تاعايىندالدى، - دەپ حابارلايدى Qamshy.kz قازاقپاراتقا سىلتەمە جاساپ.

ايتا كەتەرلىگى، ەسەپ كوميتەتىنىڭ مۇشەسى جانسەيىت سارسەنقۇلوۆتىڭ وكىلەتتىك مەرزىمى اياقتالعان بولاتىن. سوندىقتان، سەنات ونىڭ ورنىنا ەسەپ كوميتەتىنىڭ ءبىر مۇشەسىن تاعايىندايدى. 

كونستيتۋسياعا سايكەس، سەنات ءتوراعاسى  رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى قىزمەتىنە ن.نۇرجانوۆتىڭ كانديداتۋراسىن ۇسىندى. پالاتا دەپۋتاتتارى بۇل ۇسىنىستى ءبىراۋىزدان قولدادى. 

ن. نۇرجانوۆ 1975 جىلى 8 ساۋىردە تۋعان، قاراعاندى ەكونوميكالىق ۋنيۆەرسيتەتىن بىتىرگەن. 1997 جىلدان مەملەكەتتىك قىزمەتتە. 2010 جىلدان بەرى وڭتۇستىك قازاقستان وبلىسىنىڭ ريەۆيزيالىق كوميسسيا ءتوراعاسى بولىپ قىزمەت اتقاردى. مەملەكەتتىك قىزمەت ساناتى بويىنشا «ا» كورپۋسىنا جاتادى.