اتىراۋلىقتار تاعى باس كوتەردى. اشىنعان تۇرعىندار  بۇل جولى اكىمدىك عيماراتىن باسىپ كىردى. قالا  ىرگەسىندەگى قارا جولدىڭ جىرى جۇرتتىڭ  جۇيكەسىن ابدەن جۇقارتسا كەرەك،  نارازى توپتى ەشكىم توقتاتا المادى، - دەپ Qamshy.kz 31-ارناعا سىلتەمە جاساپ. 

كوپ جىلدان بەرى جاسالماعان جول اتىراۋلىقتاردى اشۋلاندىردى. بۇگىن بىرلىك اۋىلىنىڭ تۇرعىندارى باس بىرىكتىرىپ، گەولوگ اۋىلدىق وكرۋگى اكىمىنە كەلدى. ماسەلە بىرەۋ. تۇرعىندار ءۇشىن جۇرەر جولدىڭ جاسالعاندىعى كەرەك.

جۇماگەرەي جاكەسبايەۆ، قالا تۇرعىنى:

-بالدار ساباققا بارا المايدى. اۆتوكولىك كىرە المايدى، ىشكە، ەشقانداي. ونىڭ دا بولشەكتەرىنىڭ بارلىعى سىنىپ دالادا جاتامىز. سوندىقتان اكىمنەن ءبىزدىڭ سۇراپ وتىرعانىمىز جول. 

بولعان دۇيسەنبايەۆا، قالا تۇرعىنى:

-جول جوق، سول ماسەلەمەن اكىمگە تالاي رەت كەلدىك. ۋادە بەرۋ كوپ، ورىنداپ جاتقان ەشكىم جوق. 2009 بەرى ءجۇرمىز. ەندى ءقازىر، بيىل جەتى جىل بولدى.

توعىز جىل تۇرعىنداردى سابىلتىپ قويعان توعىز كوشەنىڭ جولى، ءالى كۇنگە جاسالماپتى.

نۇرجان جۇماحانوۆ، گەولوگ اۋىلدىق وكرۋگىنىڭ اكىمى:

-اتالعان كوشەلەردىڭ سمەتالىق قۇندارى ەسەپتەلىپ، قازىرگى كۇندە مەردىگەر مەكەمەگە سۇرانىس بەرىپ وتىرمىز. سول سۇرانىس قاشان اياقتالادى، سودان كەيىن بارىپ جۇمىسقا كىرىسۋىمىز كەرەك.

جۇمىسقا ەندى كىرىسۋىمىز كەرەك دەگەن اۋىل اكىمى تۇرعىندارعا ەكى اي ۋاقىت ىشىندە ءبىر حابارىن جەتكىزەمىن دەپ ۋادە بەردى. ال، تۇرعىندار شىدامنىڭ تاۋسىلعاندىعىنان استاناعا ارىز جازاتىندىقتارىن جەتكىزدى.