كەشەلى بەرى وزەننىڭ بىرنەشە جەرىنەن تاسىعان سۋ وسكەمەن قالاسىنىڭ شەتىندەگى 7 ساياجايدى باسىپ قالدى، - دەپ حابارلايدى Qamshy.kz «حابار» ارناسىنا سىلتەمە جاساپ.

ال ابلاكەتكا شاعىن اۋدانىنداعى ساياجايدان 87 ادام ەۆۋاكاسيالاندى.  

ولجاس كەرەيحان، ءتىلشى 

-وبلىستا سۋ تاسقىنى ءقاۋپى ءالى تولىق سەيلىگەن جوق. سوڭعى ون كۇندە ايماقتاعى سۋ قويمالارى مەن گيدروتەحنيكالىق نىساندارداعى سۋدىڭ مولشەرى ەڭ جوعارى دەڭگەيگە جەتتى. ءقازىر «بۇقتىرما»، «ءشۇلبى» جانە «وسكەمەن» سۋ توراپتارىندا سەكۋندىنا 2000-3000 تەكشە مەتر سۋ ءتۇسىپ جاتىر.  وسى كوپ مولشەردە جىبەرلىگەن سۋ ەرتىس وزەنىنىڭ ارناسىن تولىقتىرىپ جاتىر.

سوندىقتان وبلىستىڭ توتەنشە جاعدايلار قىزمەتى كۇشەيتىلگەن جۇمىس كەستەسىنە كوشتى. 

دەپارتامەنتتە ارنايى شتاب قۇرىلىپ، جەدەل جەلى ىسكە قوسىلدى. 

اناستاسيا سكليار، شقو تجد باسپا ءسوز حاتشىسى 

-ەڭ ءقاۋىپتى دەگەن 20 اۋماقتا باقىلاۋ بولىمدەرى ورنالاسقان. ياعني قۇتقارۋشىلار مونيتورينگ جاساپ، سۋ دەڭگەيىن قاداعالاپ وتىر. تاسقىن ءقاۋپى جوعارى ايماقتارداعى تۇرعىندارمەن ءتۇسىندىرۋ جۇمىستارى جۇرگىزىلىپ جاتىر. دەگەنمەن حالىققا اسا ساق بولۋدى، وزەنگە جاقىنداماۋدى سۇرايمىز. 

ەرتىس وزەنىنىڭ كوتەرىلۋىنە سوڭعى بىرنەشە تاۋلىكتە تولساسسىز جاۋعان جاڭبىر دا ءوز اسەرىن تيگىزدى. اسىرەسە جاعاعا جاقىن جەردەگى ساياجايلارعا سۋ جايىلدى. 

ال بۇگىن ابالكەتكا شاعىن اۋدانىنداعى باۋ-باقشا سەرىكتەستەرىن سۋ باستى. بىردەن قالالىق توتەنشە جاعدايلار ءبولىمىنىڭ جەكە قۇرامى مەن جەرگىلىكتى پوليسيا ءبولىمىنىڭ قىزمەتكەرلەرى جۇمىلدىرىلدى. 

ءقازىر 4 قايىق پەن 10-نان استام تەحنيكا جۇمىس ىستەپ جاتىر.  

ولجاس كەرەيحان، ءتىلشى 

-جالپى قالادا 20-دان اسا اۋماقتى ەرتىستىڭ سۋى باسۋى مۇمكىن دەگەن ءقاۋىپ بار. ولاردىڭ كوبى ساياجايلار ورنالاسقان ۋاقىتشا قونىستار. سوندىقتان سۋ جايىلۋى مۇمكىن دەگەن اۋماقتارعا بوگەتتەر تۇرعىزىلىپ، جاعالارى بەكىتىلىپ، كەزەكشىلىك قويىلدى.