شىعىس قازاقستاننىڭ جارما اۋدانىندا دا ءسىبىر جاراسىن جۇقتىرعان ەكى ادام انىقتالدى. تەرىسىنە بەلگىسىز بورتپەلەر شىعىپ، اۋرۋحاناعا تۇسكەن تۇرعىنداردىڭ كۇيدىرگىگە شالدىققانىن دەنساۋلىق ساقتاۋ جانە الەۋمەتتىك دامۋ ءمينيسترىنىڭ ءوزى راستادى، - دەپ حابارلايدى Qamshy.kz 31 ارناعا سىلتەمە جاساپ.
سونداي-اق تامارا دۇيسەنوۆا وتاعاسىنىڭ ولىمىنە دارىگەرلەردى ايىپتاپ وتىرعان قاراعاندىداعى قايعى جامىلعان وتباسىنا جاۋاپ بەردى.
ءسىبىر جاراسىنان كوز جۇمعان كاكەن قاجكەنوۆ امان قالار ەدى... مارقۇمنىڭ ۇلى ەكى كۇن ەمحانا ەسىگىن توزدىرعان ناۋقاس اكەسىنە ءتىرى جاننىڭ كومەكتەسپەگەنىن ايتىپ، وسىلاي دەپ شاعىمدانىپ وتىر. ۇلىنىڭ سوزىنشە، دەمالىس كۇنى وبلىستىق اۋرۋحانادا كەزەكشى دارىگەر بولماي، اكەسىن 200 شاقىرىمعا، اۋىلىنا كەرى قايتارىپ جىبەرگەن.
نۇرتىلەۋ سيازبايەۆ، كاكەن قاجىكەنوۆتىڭ ۇلى:
- قابىلدامايمىز، بۇگىن سەنبى، ەرتەڭ جەكسەنبى. دۇيسەنبى ءبىر-اق كەلىڭدەر. بىزدە دارىگەرلەر بۇگىن جۇمىس ىستەمەيدى دەپ قايتارىپ جىبەردى. جاتقىزباسا دا ءبىزدى، اناليز الۋلارى كەرەك ەدى، تاباتىن ەدى اۋرۋدى. ىسىكتى كورە تۇرا، جارانى كورە تۇرا، ءبىز ايتتىق اۋىلدا بىرنەشە ادامدا بار اۋىلدا دەپ، ولار سۇرايدى بىزدەن: وزدەرىڭ قالاي ويلايسىڭدار دەپ.
«ءۇش اۋرۋحاناعا باردىق، ەشقايسىسى ەسىك اشپادى» دەپ اشىنعان وتباسىنا نەگە ۋاقىتىلى كومەك كورسەتىلمەگەنىن ءمينيستردىڭ ءوزى بۇگىن ءتۇسىندىرىپ بەردى.
تامارا دۇيسەنوۆا، ق ر دەنساۋلىق ساقتاۋ جانە دامۋ ءمينيسترى:
- چەلوۆەك پريشەل ي سكازال چتو پورەزال رۋكي. نە بىلو ينفورماسيي ۋ مەد.ورگانيزاسيي و توم چتو ۆوزموجنو تام ەست سيبيرسكايا يازۆا. پەرۆوە، پوزدنەە وبراششەنيە، ۆتوروە: ناستوروجەننوستي نە بىلو. نە بىلو ينفورماسيي ۋ مەد.ورگانيزاسيي دا ي سام پاسيەنت نە سكازال چتو پورەزال رۋكي ۆو ۆرەميا زابويا سكوتا.
ناۋقاس ايتپاسا، دارىگەر دە سۇراماعان سىڭايلى. «قاتەرلى دەرتكە شالدىققانىمىزدى» قايدان بىلەيىك دەپ شامدانعان وتباسى اق حالاتتىلاردى تەكسەرۋدى سۇراپ وتىر. مينيسترلىك مۇنى ءوز قولىنا الىپتى. سونداي-اق شىعىس قازاقستاننىڭ جارما اۋدانىندا ءسىبىر جاراسىن جۇقتىرعان ەكى ادامنىڭ دەنساۋلىعىن تامارا دۇيسەنوۆا ءبىرقالىپتى دەدى. ولار كۇيدىرگىگە شالدىقتى دەگەن كۇدىكپەن بىرنەشە كۇن بۇرىن اۋرۋحاناعا تۇسكەن بولاتىن.
تامارا دۇيسەنوۆا، ق ر دەنساۋلىق ساقتاۋ جانە دامۋ ءمينيسترى:
- قازىرگى جاعدايلارى ءبىرقالىپتى، ولاردىڭ ومىرىنە ۇلكەن ءقاۋىپ ءتونىپ تۇرعان جوق.قاراعاندىدا اۋىرىپ جاتقان 7 ازامات بويىنشا مەد كومەك كورسەتىلىپ جاتىر.
جاۋاپتىلار اجالعا ايىپتىنى ىزدەپ دال بولسا، الەۋمەتتىك جەلى ءقازىر ناعىز دۇرلىكپەگە اينالعان. كوكشەتاۋ، ورال مەن الماتى تۇرعىندارىنا كەشەدەن بەرى قالادا جارادان كوز جۇمعاندار كوبەيدى، ەت الۋ ءقاۋىپتى دەگەن اۋديوحابارلاما «ۆاتساپ» ارقىلى تاراي باستاعان.
ءتىپتى، سۇتتەن سىرقات جۇقتىرعاندار بار دەپ ادامداردى الاڭداتقان ارانداتۋشىلار كوبەيىپ جاتىر. ءسۇت كومپانيالارىنىڭ ءبىرى حابارلاما تاراتۋشىلاردى تاۋىپ، سوتقا بەرۋدى سۇراپ وتىر. ال ىشكى ىستەر مينيسترلىگى جالعان اقپارات تاراتۋشىلار انىقتالىپ، مىندەتتى تۇردە جازاسىن الادى دەپ سەندىردى.
