قاراعاندىدا ىزدەۋدە بولعان جازاسىن وتەۋشى ۇستالدى، - دەپ حابارلايدى Qamshy.kz قازاقپاراتقا سىلتەمە جاساپ.
«27 جاستاعى جازاسىن وتەۋشى كولىكتى زاڭسىز يەلەنگەنى ءۇشىن التى جىل مەرزىمگە اك-159/20 مەكەمەسىندە بولعان. ەركىن ءجۇرىپ-تۇرۋ قۇقىعىن پايدالانعان ول جۇمىس ورنىنان قاشىپ كەتىپ، بەلگىسىز باعىتتا بوي تاسالاعان»، - دەدى ءوڭىردىڭ قاج دەپارتامەنتىنىڭ وكىلى ەسىمجان بايتاسوۆ.
«جەدەل ىزدەۋ شارالارى بەلسەندى ءارى تاۋلىك بويى جۇرگىزىلدى. 16 تاۋلىكتەن كەيىن قاج جانە ءىىد قىزمەتكەرلەرىنىڭ ءجىتى ارەكەتىنىڭ ارقاسىندا قاشقىن قولعا ءتۇستى. ونى ءتارتىپ ساقشىلارى ۋادە ەتىلگەن اقشا ءۇشىن كەلگەن تانىسىنىڭ پاتەرىنەن ۇستادى»، - دەپ قوستى ە. بايتاسوۆ.
