«ەير استانا» ىستامبۇل قالاسىنىڭ اتاتۇرىك اۋەجايىندا ورىن العان قايعىلى جاعدايعا ورتاقتاسىپ، كوڭىل ايتادى، - دەپ حابارلايدى Qamshy.kz   قازاقپاراتقا سىلتەمە جاساپ.

«قازىرگى ۋاقىتتا ىستامبۇلداعى اۋەجايى اشىق، تەكسەرۋ مەن قاۋىپسىزدىك شارالارىنىڭ كوبەيۋىنە قاتىستى اۆياكومپانيا جولاۋشىلارعا رەيستەن ءۇش ساعات بۇرىن كەلۋدى سۇرايدى. اۋە كومپانياسى جاعدايدى مۇقيات باقىلاۋدا، ءبىرىنشى كەزەكتە ەكيپاج بەن جولاۋشىلاردىڭ قاۋىپسىزدىگى باسشىلىققا الىنادى. قوسىمشا اقپارات الۋ ءۇشىن «ەير استانانىڭ» الماتىداعى: +7 (727) 2 44 44 77 جانە استاناداعى: + 7 (717) 258 44 77 اقپارات جانە برونداۋ ورتالىعىنا نەمەسە اۆياكومپانيانىڭ بيلەت ساتۋ كەڭسەلەرىنە نەمەسە تۋراگەنتتىككە حابارلاسۋلارىڭىزدى وتىنەمىز»، - دەپ حابارلايدى اۋە كومپانياسىنىڭ باسپا ءسوز قىزمەتىنەن.

«ەير استانا» ارقىلى تۇركياعا/تۇركيادان بيلەت العان جولاۋشىلار ساپاردان باس تارتقان جاعدايدا اۆياكومپانيا بيلەت قۇنىن ەش ايىپپۇلسىز قايتارادى جانە ۇشۋ كۇنىن نەمەسە ۇشۋ باعىتىن ايىپپۇلسىز وزگەرتىپ بەرەدى (سول نەمەسە باسقا باعىتتىڭ قىمباتىراق تاريفىنە قوسىمشا تولەممەن).  بۇل مالىمدەمە 2016 جىلدىڭ 15 شىلدەسىنە دەيىن ىستامبۇل مەن انتالياعا ۇشاتىن رەيستەرگە قاتىستى.