اقتوبەدە ءتورت  اياعى بار بالا دۇنيەگە كەلدى. 4 اياقپەن تۋعان بالا - ەگىزدىڭ سىڭارى. ول  23 ماۋسىمدا تۋعان، - دەپ حابارلايدى Qamshy.kz Diapazon.kz - كە سىلتەمە جاساپ.

بالانىڭ 4 اياعى بار. جۇرەك تامىرلارىنىڭ دامۋىندا، اينالشىقتا اقاۋ بار. تىك ىشەگىنىڭ ورنىنا اياق ورنالاسقان. سەنبى كۇنى سابيگە جاسالعان وتا ءساتتى وتكەن.  ءىش بوساتۋى ءۇشىن ونىڭ ىشەگىن الدىڭعى قۇرساق قابىرعاسىنا شىعارعان. سەبەبى بالانىڭ تابيعي جولمەن ءىش بوساتۋىنا مۇمكىندىگى جوق. بالا ءقازىر رەانيماسيادا. الدا ءالى بىرنەشە وتا جاسالىپ، ارتىق اياقتارى الىنباق.  

مۇنداي انوماليا وبلىستا بۇعان دەيىن  بولماعان. مامانداردىڭ سوزىنشە جاڭا تۋعان سابيلەردىڭ بۇل دەرتى ينفەكسياعا، قان ازدىققا، ەكولوگياعا، سونداي-اق انالارىنىڭ جۇكتىلىك كەزىندە كەيبىر دارى-دارمەكتەردى قابىلداۋىنا بايلانىستى بولۋى مۇمكىن. جاس وتباسى اقتوبە قالاسىنا اۋدان ورتالىعىنان كوشىپ كەلگەن.

ال دۇيسەنبى كۇنى اقتوبە قالاسىنىڭ باسقا پەرزەنتحاناسىندا اياق-قولىنا قوسىلا وسكەن وسكىنى بار بالا دۇنيەگە كەلگەن. ءقازىر ءسابي تەكسەرۋدەن وتكىزىلىپ جاتىر. دارىگەرلەردىڭ سوزىنە سەنسەك، اتالمىش انوماليا ۋاقىت وتە ەمدەلەدى. كۇنى بۇگىن شۇعىل وتا جاساۋ قاجەت ەمەس.