قاراعاندى وبلىسىندا لاڭەستەردى ۇستاۋ وپەراسياسى بارىسىندا سودىرلاردىڭ ءبىرى ءوزىن جارىپ جىبەرگەن، - دەپ حابارلايدى Qamshy.kz ق ر ۇقك باسپا ءسوز قىزمەتىنە سىلتەمە جاساپ.
«26 ماۋسىم كۇنى بالقاش قالاسى جانە گۇلشات ەلدى-مەكەنىندە ءدىني راديكالدى توپتاردىڭ بار ەكەنى انىقتالىپ، ۇستاۋ وپەراسياسى جۇرگىزىلدى. ولار قولدان جاسالعان جارىلعىش زاتتاردى پايدالانۋ ارقىلى لاڭكەستىك ارەكەتتەر جاساماق بولعان"، - دەلىنگەن ۇقك تاراتقان حابارلامادا.
انىقتالعانداي، ۇستاۋ كەزىندە گۇلشات ەلدى-مەكەنىندەگى سودىرلاردىڭ ءبىرى ءوزىن جارىپ جىبەرگەن. ول وقيعا ورنىندا كوز جۇمعان.
«وزگە قازا تاپقاندار مەن جارالانعاندار جوق. توپتىڭ وزگە مۇشەلەرى ۇستالدى. ولاردان جارىلعىش زات دايىنداۋعا ارنالعان زاتتار، سۋىق قارۋ-جاراق جانە وزگە دە زاتتاي ايعاقتار تابىلدى. ءقازىر اتالعان ءىس بويىنشا سوتقا دەيىنى تەرگەۋ امالدارى جۇرگىزىلۋدە»، - دەلىنگەن حابارلامادا.
