قىرعىزستان رەسپۋبليكاسىنىڭ پرەزيدەنتى المازبەك اتامبايەۆ قىرعىز ۇلتىنا ءتىل تيگىزگەن ق ر مادەنيەت جانە سپورت ءمينيسترى ارىستانبەك مۇحامەديۇلىنا جاۋاپ بەرگەن ايەلدەردى ماراپاتتادى، - دەپ حابارلايدى Qamshy.kz Zonaza.kz سايتىنا سىلتەمە جاساپ.

ارىستانبەك مۇحامەديۇلىنا ۆيدەوۇندەۋ جولداپ، نامىستارىن قورعاعان ايەلدەردىڭ ارەكەتىن قىرعىز جۇرتى پاتريوتتىق جانە ەرلىك دەپ باعالاعان. سول سەبەپتى قىرعىزستاننىڭ رەسەيدەگى ەلشىلىگىندە ماسكەۋدە ەدەن جۋىپ، كۇنىن كورىپ جۇرگەن قىرعىز ايەلدەرگە اتامبايەۆتىڭ اتىنان ماراپات قاعازدارىن تاپسىرۋ سالتاناتى ءوتتى. 

ەرەكشە پاتريوتتىق تانىتقان ريساليات قارابايەۆا مەن گۋليا قوجايەۆاعا اقشالاي سىيلىق پەن كادەسىيلاردى پرەزيدەنت اتىنان قىعىز ەلشىسى بولات وتىنبايەۆ تابىس ەتتى. 

سونداي-اق، ۆيدەوۇندەۋدى دايىنداعان "ريا نوۆوستي" اقپاراتتىق اگەنتتىگىنىڭ قىزمەتكەرى ايگۇل نيازالييەۆاعا دا  ارنايى سىيلىق تاپسىردى.

ەستەرىڭىزگە سالساق، 24 مامىردا قازاقستاننىڭ مادەنيەت جانە سپورت ءمينيسترى ارىستانبەك مۇحامەدي ۇلى استانادا حالىق الدىندا ەسەپ بەرگەن كەزىندە رەسەيدە ەدەن جۋىپ جۇرگەن قىرعىز قىزدارىن كورىپ، جانى اشيتىنىن ايتقان بولاتىن. مۇنى ەستىگەن ماسكەۋدە قارا جۇمىس ىستەيتىن ايەلدەر ۆيدەوۇندەۋ جاريالاپ، تاماقتارىن ادال تاۋىپ جۇرگەندەرىن ايتقان بولاتىن.