قاراعاندى وبلىسىندا قولدان جاسالعان جارىلعىش قۇرالداردى قولدانا وتىرىپ، تەراكتىلەردى ۇيىمداستىرماق بولعان راديكال توبىنىڭ بەس مۇشەسى ەكى ايعا قاماۋعا الىندى، دەپ حابارلايدى Qamshy.kz Tengrinews.kz –كە سىلتەمە جاساپ.

لاڭكەستەردىڭ ءبىرىنىڭ 26 ماۋسىمدا ءوزىن-وزى جارىپ جىبەرگەنى بەلگىلى.

"بالقاش قالالىق سوتى ق ر قىلمىستىق كودەكسىنىڭ 257-بابىنىڭ 1-بولىگى ("تەرروريستiك توپ قۇرۋ، وعان باسشىلىق ەتۋ جانە ونىڭ ارەكەتىنە قاتىسۋ") جانە 287-بابىنىڭ 5-بولىگى ("قارۋدى، ءوق-دارiلەردi، جارىلعىش زاتتاردى جانە
جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ") بويىنشا كۇدىكتىلەرگە قاتىستى ەكى ايعا قاماۋعا الۋ تۇرىندەگى بۇلتارتپاۋ شاراسىن تاڭداۋ تۋرالى بەس ماتەريالدى قارادى"، - دەپ حابارلادى سوتتاعىلار. 

قاماۋ مەرزىمى 2016 جىلدىڭ 26 تامىزىنا دەيىن. كۇدىكتىلەردىڭ بارلىعى - قاراعاندى وبلىسىنىڭ تۋمالارى، 1979، 1981، 1985، 1980 جانە 1990 جىلعىلار. 

"2016 جىلدىڭ ساۋىرىندە قازاقستان ازاماتى، بالقاش تۇرعىنى ءداستۇرلى ەمەس ءدىني اعىمنىڭ ۇستانۋشىسى قاراعاندى وبلىسىنىڭ بالقاش اۋدانىنىنىڭ تەرريتورياسىندا سىبايلاستار توبىن قۇرعان، وعان بالقاش جانە گۇلشات ەلدى مەكەنىنىڭ تۇرعىندارى كىرگەن. بۇل لاڭكەستىك توپتىڭ ماقساتى - تەرروريستىك قىلمىستار جاساۋ، ونىڭ ىشىندە قازاقستان رەسپۋبليكاسىندا قولدان جاسالعان جارىلعىش زاتتارمەن تەرروريستىك اكتىلەردى جاساۋ جانە "دايش" حالىقارالىق لاڭكەستىك توبىنا كومەكتەسۋ"، - دەلىنگەن حابارلامادا.

ەسكە سالايىق، قاراعاندى وبلىسىندا لاڭكەس ءوزىن-وزى جارىپ جىبەرگەن ەدى. "2016 ماۋسىمدا بالقاش قالاسىندا جانە قاراعاندى وبلىسىنداعى گۇلشات ەلدى مەكەنىندە قولدان جاسالعان جارىلعىش زاتتاردى قولدانا وتىرىپ، تەرروريستىك اكتىلەر ۇيىمداستىرۋدى جوسپارلاعان راديكال توپتىڭ جولى كەسىلدى"، - دەپ مالىمدەگەن ەدى ق ر ۇقك باسپا ءسوز قىزمەتىندەگىلەر.