قاراعاندىدا ءسىبىر جاراسىنا بايلانىستى كارانتينگە جابىلعان ەركىندىك اۋىلىندا  ەلۋ جىلدان بەرى ولەكسەلەر كومىلىپ كەلگەن قورشاۋسىز  مال قورىمى تابىلدى. ارنايى ماماندار ءقازىر جۇقپالى ىندەت تارالۋى مۇمكىن دەلىنگەن  ءقاۋىپتى جەردىڭ جالپى اۋماعىن انىقتاپ جاتىر، - دەپ حابارلايدى Qamshy.kz 31-ارناعا سىلتەمە جاساپ..

مال ولەكسەلەرى كومىلگەن جەر  ءسىبىر جاراسىنىڭ تاراۋىنا  سەبەپ بولۋى مۇمكىن دەگەن بولجامدى مامانداردىڭ وزدەرى ايتىپ وتىر.  ويتكەنى، جەرگىلىكتى ءۇش مىڭنان استام ءىرى قارا ءدال سول جەردە ەمىن-ەركىن جايىلىپ كەلگەن. اۋىلدان  ون شاقىرىم جەردە 1966-1970 جىلدارى ءسىبىر جاراسىنان ولگەن مالدار جەرلەنگەن ەكەن. ءقازىر قاجەتتى سىنامالار الىنىپ، زەرتحاناعا جىبەرىلىپتى. ال 21 ماۋسىمنان بەرى كارانتينگە جابىلعان ەركىندىك اۋىلىندا 3600 باس مالعا ءسىبىر جاراسىنا قارسى ەكپەلەر جاسالىپ، 24 مىڭ شارشى مەتر جەر،  تۇگەلدەي زالالسىزداندىرىلدى.

مارات مۇحتاروۆ، ۆەتەرينارلىق باقىلاۋ كوميتەتى  قاراعاندى وبلىسى بويىنشا ينسپەكسياسىنىڭ جەتەكشىسى:

- ءبىرىنشى باعىتىمىز ءسىبىر جاراسى دەيدى، كومىلگەن جەردەن جۇققان شىعار. بۇل اۋرۋدىڭ وزىنە ءتان قاسيەتى بۇل توپىراقتا بولادى ۇنەمى. ءسىبىر جاراسىن انىقتاۋ ول ءبىر. بۇگىنگى كۇنى سىناما الدىق.