تۇركيا اۋەجايىن جارعاندار بەينەباقىلاۋ كامەراسىنا ءتۇسىپ قالعان. تاسپادا جارىلعىش زات كوتەرگەن جانكەشتىلەردىڭ عيمارات ىشىنە جايباراقات كىرگەندەرى كورىنىپ تۇر، - دەپ حابارلايدى Qamshy.kz كتك ارناسىنا سىلتەمە جاساپ.

بۇل كادرلار ءقازىر تۇركيانىڭ تۇكپىر-تۇكپىرىنە تاراپ جاتىر. ءۇش جانكەشتىنىڭ ءبىرىنىڭ ءاتى-جونى بەلگىلى بولدى. ول ءمۇسىلىم سارىييار دەگەن تۇرىك ازاماتى بوپ شىقتى. ءوز وتانداستارىنا وق اتىپ، ارتىنشا ءوز-وزىن جارىپ جىبەرگەن جىگىت عيمارات ىشىنە ءبىرىنشى بوپ كىرگەن. بۇگىن ىستامبۇلدا وسى لاڭكەستىك ارەكەتكە قاتىسى بولۋى مۇمكىن دەگەن كۇدىكپەن 13 ادام قۇرىقتالدى. قالاداعى بىرنەشە پاتەرلەردى تىنتىگەن پوليسيا قىزمەتكەرلەرى ولاردان قارۋ-جاراق پەن جارىلعىش زاتتار تاركىلەدى. سونداي-اق، يزميردە لاڭكەستەرگە قولداۋ ءبىلدىردى دەگەن كۇدىكپەن 9 ادام ۇستالدى. ەستەرىڭىزگە سالساق، الدىڭعى كۇنى اتاتۇرىك اۋەجايىندا ءۇش جانكەشتى وزدەرىن جارىپ، سونىڭ سالدىرانىن 40-تان اسا ادام قازا تاۋىپ، 200-دەن استامى جارالانعان بولاتىن.