وسكەمەندىك بالانىڭ ويىنى ورتكە ۇلاستى. سەگىز جاسار ۇل وتپەن ويناپ وتىرىپ، 79 جاستاعى ايەلگە تيەسىلى شارۋاشىلىق جايىن ابايسىزدا ورتەپ جىبەردى، - دەپ حابارلايدى Qamshy.kz YK-news.kz -كە سىلتەمە جاساپ.
وقيعا 29 ماۋسىمدا بولعان. ەكىنشى سىنىپ وقۋشىسى الاۋ جاعامىن دەپ جەكە ءۇيدىڭ اۋلاسىندا ورنالاسقان قوراعا بەتتەگەن. وندا قاعاز بەن بۇتاقتاردى جيناپ، وت جاعادى. سوڭىندا لاپىلداپ جانعان وتتان قورقىپ، بالا قاشىپ كەتكەن. ناتيجەسىندە گاراج بەن قورا ورتكە ورانعان.
ءورت شىعارعان ۇل تابىلىپ، پوليسياعا جەتكىزىلدى. گاراج بەن قورانى بالانىڭ وتباسى ءوز قارجىسىنا سالىپ بەرەتىن بولىپ 79 جاستاعى زارداپ شەگۋشىمەن كەلىسىم جاسالدى.
