بەيبىت ىستىبايەۆ استانادا وتكەن ق ر پرەزيدەنتى ن.ءا.نازاربايەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» Vءى رەسپۋبليكالىق تۋرنيرىندە جەڭىمپاز اتانىپ، التىن بەلبەۋگە يە بولدى، - دەپ حابارلايدى Qamshy.kz Bnews.kz -كە سىلتەمە جاساپ.

اقتىق ايقاستا «تاراز ارلانى» لاقاپ اتىمەن بەلگىلى بەيبىت ىستىبايەۆ وڭتۇستىك پالۋانى جۇمانازار ەرسۇلتانوۆپەن بەلدەسكەن ەدى. ناتيجەسىندە بەيبىت قارسىلاسىن ايقىن باسىمدىقپەن ۇتتى.

وسىلايشا جامبىل وبلىسىنان شىققان بەيبىت ىستىبايەۆ 3ء-شى رەت «قازاقستان بارىسى» اتاندى.  

بەيبىت وسىعان دەيىن 2012،2015 جىلدارى «قازاقستان بارىسى» اتاعىن جەڭىپ العان بولاتىن. بالۋان 25 ملن تەڭگەنى قانجىعاسىنا بايلاپ، استانا قالاسىنداعى ءبىر بولمەلى پاتەردىڭ كىلتىنە يە بولدى. ال ونىڭ باپكەرىنە 3،5 ملن تەڭگە تابىستالدى.

ال «قازاقستان بارىسى-2016» ءتۋرنيرىنىڭ  كۇمىس جۇلدەسى وڭتۇستىك بالۋانى  جۇمانازار ەرسۇلتانوۆقا بۇيىردى. بالۋانعا 5،5 ملن تەڭگە بەرىلەدى. ال ونىڭ جاتتىقتىرۋشىسى 1،8 ملن تەڭگە كولەمىندەگى قارجىلاي جۇلدەگە يە بولدى.+

جارىستىڭ قولا جۇلدەگەرى ايبول ايتبەك 1،8 ملن تەڭگەنى الدى. ال باپكەرى 900 مىڭ تەڭگەنى قانجىعاسىنا بايلادى.

سونىمەن قاتار، «كورەرمەن كوزايىمى» اتاعىن الماتىلىق پالۋان ۆيكتور دەميانەنكو جەڭىپ الدى. وعان 1 ملن تەڭگە اقشالاي جۇلدە تابىستالدى.

ال ءتۋرنيردىڭ قورىتىندىسى بويىنشا الماتى وبلىسىنان كەلگەن الەكساندار كاساچيەۆ «ۇزدىك بالۋان»  اتاندى. وسىلايشا، ول جەڭىل اۆتوكولىككە يە بولدى.

ايتۋلى دودانى قازاقستاننىڭ ۇلتتىق ارناسى مەن «Kazsport»، سونداي-اق تۇركيانىڭ «ترت» ارناسى جانە رەسەيدىڭ «بوەس» ارناسى دا تىكەلەي ەفيردەن كورسەتتى.