شىمكەنتتىك ءتىلشى مەن تورەعالي تورەالى اراسىنداعى داۋلى ۆيدەو بارلىق الەۋمەتتىك جەلىلەردە تاراپ، قوعامنىڭ قىزۋ تالقىسىنا تۇسكەن بولاتىن. وسىعان وراي، ءانشى ءارى ەكس-ايتىسكەر اقىن تورەعالي تورەالى تىلشىگە ولەڭمەن جاۋاپ بەردى، - دەپ حابارلايدى Qamshy.kz. 

ءانشى تىلشىگە ارناعان جاۋاپ-ولەڭىن ينستاگرام پاراقشاسىندا جاريالادى.

جۋرناليست قىز، ءجونىڭدى ءبىل…
بوس سوزبەن بىلعامايىق كوڭىلدى بۇل،
ءبىر ساتتە وتە شىعار ءومىر-دۇبىر.
ءوز قولىم، ءوز تۇرىسىم، ءوز ۇياتىم،
جۋرناليست قارىنداسىم، ءجونىڭدى ءبىل!

سەن ەمەس كوڭىلىمدى كۇيرەتەتىن،
سىيلاستىق ءوز-وزىڭدى سىيلى ەتەتىن.
ۇيرەتپە، ۇيرەنبەگەن دۇنيەمدى،
اكەم مەن اناشىم بار ۇيرەتەتىن.

الدىمەن اقىلمەنەن ولشە ءتىلدى،
ەل-جۇرتقا كوكسەگەنىڭ كورسەتىلدى.
“قولىما” تيىسكەنگە قاراعاندا،
قولىڭنان كەلەتىنى سول سەكىلدى!؟
سەنساسيا جاساعانىڭ بارعا ءمالىم،
ول سەنىڭ – جالعان كەيپىڭ، جالعان ارىڭ.
قارىنداس، قوي وندايدى،ساعان ايتام،
تىڭداسىن شۋ شىعارعان ارنالارىڭ!
ءبارىبىر بۇل ىسىڭنەن تۇك تاپپادىڭ،
ال قولعا ءوز-وزىڭدى مىقتاپ، حانىم.
سەبەپ جوق جار سالارداي جۇرتقا جايىپ،
كەرەك جوق سۋ تاتيتىن سۇحباتتارىڭ!

مەيلى، بۇل تورەعالي جىندى بولسىن،
تەك ەلگە كورسەتىڭدەر نۇرلى جول شىن.
قولىما تيىسكەنشە ۇيرەنىڭدەر،
سەندەرگە “ۇلتتىق ارنا” ۇلگى بولسىن!

جارايدى،نەسىنە ءسوز شىعىندايمىن،
ادەپسىز ارنالارعا ۇرىنبايمىن.
قولىمنان ميكروفون تۇسكەنىنشە،
جولىمنان اللا بەرگەن جىعىلمايمىن!!

تورەعالي تورەالى، - دەپ جازدى ءانشى.

شىمكەنتتىك ءتىلشى ماقپال رىسبايەۆا دا الەۋمەتتىك جەلىدە بولعان وقيعاعا قاتىستى پىكىر بىلدىرگەن. 

«مەن تاعى بولعان جايدى باياندايمىن. ولەندەپ اسىرا سىلتەۋ ماعان جات. مەن سۇقباتتىڭ باسىندا دۇرىس فونگا قويىپ قولىڭدى تۇسىرە عوي دەپ، بۇل كورىنىستىڭ ەفيردە جاكسى شىقپايتىنىن ايتقىم كەلگەن. ورەكپىپ مۇرشا بەرمەدى. كوماندا بەردى دەپ ويلاپ كوتەرىلىپ كەتتى. مەن سودان كەيىن عانا داۋىس كوتەرىپ تۇسىندىرۋگە ءماجبۇر بولدىم. بارى سول. ەل الدىندا جۇرگەن سوڭ ورنىمىزدى بىلەيىك. پىكىر ايتساڭىز دا ورىندى بولعاي» – دەپ پىكىر قالدىرعان ءتىلشى. 

ايتا كەتەيىك، توەعالي تورەالى شىمكەنتتەگى كىلەم فابريكاسىنا قوناققا بارىپ، جەرگىلىكتى تىلشىمەن ءتىل تابىسا الماي قالعان بولاتىن.