جۇرتقا جاستايىنان دومبىراسى قولىنان تۇسپەي، قازاقى ناقىشتا كيىنىپ ءجۇرىپ تانىلعان جانار ايجانوۆانىڭ دەمالىستاعى  قىسقا كيىمىن تىڭدارماندارى سىناعان، - دەپ حابارلايدى Qamshy.kz Stan.kz -كە سىلتەمە جاساپ.

كوپشىلىك بۇعان دەيىن شورتى كيىپ قايعىلى جاعدايعا دۋشار بولعان بايان ەسەنتايەۆانىڭ قازىرگى ءحالىن مىسالعا كەلتىرگەن. “زامانى مەن جۇرگەن ورتاسىنا  ساي ادامى” دەگەن جانار ايجانوۆا قاتتى ايتىلعان سىني پىكىرلەرگە بايلانىستى اشۋلانىپ قالعان سياقتى.

“تاڭعى استان كەيىن تەڭىزگە تۇسۋگە بارا جاتىرمىز. سۋ جىپ-جىلى، تۇنىق، شومىلۋعا كەرەمەت بولىپ تۇر. قىز-كەلىنشەكتەر سەندەرگە دە بۇيىرتسىن وسىنداي دەمالىستى. مىنا جەردە بىزدەن باسقا ءبىر قازاق جوق. بارلىعى نەمىستەر، بولگارلار. ءبىزدىڭ جاستارىمىز دا وسىنداي دەمالىسقا لايىقتى عوي. جەر كورىپ، قالاي سويلەپ، قالاي ءجۇرىپ-تۇرۋدى ۇيرەنەر ەدى. وتىرىپ الىپ اۋزىنا كەلگەندەرىن قۇسقانشا. بۇنى الدىڭعى سۋرەتكە جازعان جاستاردىڭ سوزدەرىنە قاراپ ايتىپ جاتىرمىن. مەن دۇنيەنىڭ ءتورت شەتىن ارالاپ كورگەن اداممىن. قالاي كيىنسەم دە سول جەرگە بايلانىستى كيىنەمىن. اپالارىڭا يمانسىز دەپ ءوز يماندارىڭنان ايىرىلىپ قالماڭدار. قۇداي كەشىرسە، مەن كەشىردىم. جاسسىڭدار عوي، ءالى ءومىر كورمەگەن. اۋزىم بار ەكەن دەپ ايتۋعا اسىقپاڭدار. ماعان ايتقان توزاقتارىڭا وزدەرىڭ تىلدەرىڭمەن باسپالداق جاساپ جاتىرسىڭدار”،-دەپ جاۋاپ جازعان ءانشى جانار ايجانوۆا.

ءانشى اشۋلانعان تىڭدارماندارىنىڭ سىنىنان كەيىن دە قىسقا بالاقتى شالبارلاردىڭ باسقا ءتۇرىن كيىپ سۋرەتكە ءتۇسىپ، جەلىدەگى پاراقشاسىنا جۇكتەگەن.

ءانشى قىزى ايجۇلدىزبەن بىرگە بولگاريادا دەمالىپ ءجۇر.