وسىدان جيرما كۇن بۇرىن تۇركى تىلدەس حالىقتار اقىندارىنىڭ ايبوزى، ەپيكالىق جىردىڭ وسىدان بۇرىنعى قازاق جەتپەگەن بيىگى، ەرەك تۇلعا، قىرعىز حالقىنىڭ قۇلاگەرى شىڭعىس ايتماتوۆتىڭ ومىردە دە، ولەڭدەدە قۇشاعى ايقاسقان مايدانداعى سەرىگى، مادەنيەتىمىز بەن ادەبيەتىمىزدىڭ ەلشىسى رەتىندە تانىلعان مۇحتار شاحانوۆ ىلەدە بولىپ، تالاي قولىنا قالام ۇستاعان قانداس باۋىر-قارىنداستارىنا وزگەشە ءناسيحات ايتىپ قايتىپ ەدى. 1 شىلدەدەن بەرى سول اقىنعا ماقتاۋلار، قارالاۋلار قاپتاعان جازبالاردى ادەبي سايتتاردان كۇندە كورىپ حالىق كۇرسىندى، قازاقتىڭ ۇلدارىنا وزگە ەشكىم شەگارا بولمەگەن ەدى، ءبىراق وزىمىزدەن-وزىمىز ءبۇلىنىپ جاتىرمىز. مىناۋ – جۇرەكتى تىرنالاعان سول نارازىلىقتىڭ ءۇنى، جان ايعايىمدى اعالارىما جولدادىم.
بورىلەر بىرلىگى
التايدىڭ بۇلتى قازباۋىر كىلەڭ،
بەرەتىن اسپان جازعا اۋىر رەڭ.
تەل ەمگەن تايداي تەبىسپەي وسكەن،
نە كورىندى اعا، از باۋىر، ۇل ەڭ؟
ۇلى سول بۇلتتاي شىڭدارعا ىلەسكەن،
تاۋ مىنەز وڭكەي سىندارلى دەسكەن.
سول سەزىم ءقازىر سانادان كەمىپ،
ەكىلەنتتى عاجاپ مۇڭدار ءبىر ەسكەن.
مىسە ەتپەي بابام قۇر ارۋاعىن،
ەن دالا تانىر مىناۋ قۇرانىڭ.
كوكجالدار سەرتى بۇزىلماس ءۇشىن،
ءتاۋ ەتىپ كوككە دۇعا قىلعامىن.
التايدىڭ بۇلتى كوك تۇيدەك سىرداڭ،
وسىپ جاۋاتىن وتتى يرەك قۇرعان.
بىرلىگىڭ كەتسە ىسپەتتى مەنىڭ
كەۋدەمدى اعا، وق تۇيىرەپ تۇرعان.
1 شىلدەدە «قازاق ادەبيەتى» گازەتىنىڭ سايتىندا مۇحتار ماعاۋيننىڭ شاحانوۆقا ايىپتاۋ جازعان، قاتتى سوككەن ماقالاسى جاريالاندى. الماعايىپ كوزسىز دۇنيە قازاقتىڭ ەكى ارىسىن يتشە ىرىلداستىرىپ قويدى. . . بىزگە اقيقاتى كەرەك ەدى، ال ونى ءجونسىز بىلمەس توبىر دۇركىرەي تاراتىپ باسىنا داڭىق كەلەردەي ەلىرىپ ءجۇر، اسىل ءسوز دەسە قوي اۋىزىنان ءشوپ الماس حالىق ورشىگەن جالىنداي وسەكتىڭ قولامتاسىن كوسەپ ءجۇر، قايىرىمسىزدىق ماۋيىنگە دە، شاحانوۆقا دا قىلشىنىڭ ءجۇزىن بۇردى، مۇنىمەن ەشتەڭە تىنباسىن بىلسە دە ەشكىم باس تارتپايدى. . .
قازاقتى كورگە تىعۋدان قازاققا قان جۇتار، زاپىران قۇستىرار قاسرەت قانا كەلەرىن نەگە بىلمەيدى وسى حالىق؟ ققاي ەلدىڭ قوعامى قايشىلىقسىز دەيسىڭ، نەگە ىشتەن تانىپ، ىشتەن ءبىلسىپ جۇرە المايمىز. . . اعايىن اراسى اراز، جۇرتى ۇلىنا دەگەن جانكەشتلىكتەن ايىرىلعان حالىقتى قاي ەل دە بولسىن مۇسىركەي الادى. ءبىز حالقاراعا قانداسىمىزدىڭ كەۋدەسىن باسىپ كوكىرەگىن تارىلتار نامىسسزدىقتى كوتەرىپ بارعانشا، نەگە اياۋلى ۇلدارىڭىزدىڭ وزگە ەل تانىماعان شعارمالارىن، ءابلقايات سۋىنداي جۇرەك قانىن سارقىپ جازعان كىتاپتارىن، ەل ءۇشىن ىزدەنگەن ەڭبەكتەرىن الىپ بارمايمىز.
ايداربەك ايبەك ۇلى
ىلە پەداگوگيكا ينستيتۋتىنىڭ ستۋدەنتى.
2016. 7. 6 ساسكە.
