Qamshy.kz پورتالىندا «ساعادييەۆتەر اۋلەتىنەن قارىزىمىزدى سۇرايمىز!» تاقىرىبىمەن ماقسات جاقاۋ ەسىمدى ازاماتتىڭ حاتى جاريالانعان بولاتىن. وندا حات يەسى ءىلياس ساعادييەۆ ەسىمدى ازاماتتىڭ ءبىر جىلعا جۋىق ۋاقىتتان بەرى جاقاۋوۆتار اۋلەتىنىڭ بىرنەشە ادامنىنان قوماقتى قاراجات الىپ، قايتارماي جۇرگەنى باياندالادى.

وسى حاتقا بايلانىستى ق ر ءبىلىم جانە عىلىم مينيسترلىگى باسپا ءسوز قىزمەتىنەن جاۋاپ حات كەلدى. وندا قارىز الدى دەلىنگەن ازاماتتىڭ ساعادييەۆتەر وتباسىنا قاتىسى جوقتىعى ايتىلعان. دالىرەك ايتساق، ءبىلىم جانە عىلىم مينيسترلىگىنەن كەلگەن جاۋاپ حاتتا:

«Qamshy.kz پورتالىنىڭ 2016 جىلعى 25 شىلدە كۇنگى «ساعادييەۆتەر اۋلەتىنەن قارىزىمىزدى سۇرايمىز!» اتتى ماقالاسىندا ءىلياس رىسبەك ۇلى ساعادييەۆ دەگەن ازاماتتى قالىڭ جۇرتشىلىققا بەلگىلى عىلىم قايراتكەرى، اكادەميك كەنجەعالي ابەن ۇلى ساعادييەۆتىڭ تۋىسى رەتىندە اتاپ كورسەتتى. ماقالا جاريالانا سالىسىمەن، بۇل اقپاراتتىڭ دايەكسىز ەكەندىگى انىقتالدى: جاقاۋوۆتار وتباسى اتىنان فەيسبۋك الەۋمەتتىك جەلىسىندە تاراتىلعان اقپاراتتا ولاردان قوماقتى سوماداعى قارجى الىپ، ءتۇرلى سەبەپ-سىلتاۋلارمەن بىرنەشە اي بويى قارىزىن قايتارماي ءجۇر دەگەن ايىپ تاعىلىپ وتىرعان ءىلياس ساعادييەۆتىڭ اكادەميك ساعادييەۆتىڭ اۋلەتىنە تۋىستىق جانە باسقا ەشقانداي دا قاتىسى جوقتىعى انىقتالدى»، - دەلىنگەن.

سونداي-اق، م. جاقاۋ حاتىندا «كەلتىرىلگەن اقپارات بىرنەشە ازاماتتىڭ، ونىڭ ىشىندە ەلگە تانىمال عالىم مەن مەملەكەتتىك ورگاننىڭ لاۋازىمدى تۇلعاسىنىڭ ابىرويلارىنا، قادىر-قاسيەتتەرىنە جانە ىسكەرلىك بەدەلدەرىنە نۇقسان كەلتىرەتىندىكتەن، كەنجەعالي ابەن ۇلى ساعادييەۆ پەن ونىڭ اۋلەتى مۇشەلەرىنەن كەشىرىم وتىنە وتىرىپ، كەلتىرىلگەن جالعان دەرەكتەردى تەرىسكە شىعارۋ» سۇرالعان.

پورتال رەداكسياسى م. جاقاۋدىڭ حاتىن جاريالاعاندا رەداكسيانىڭ ەشقانداي تاراپتىڭ مۇددەسىن كوزدەمەيتىنىن، داۋلى ماسەلەدە بەيتاراپتىلىق تانىتاتىنىن، حات اۆتورىنىڭ پىكىرى رەداكسيانىڭ كوزقاراسىن بىلدىرمەيتىنىن ەسكەرتكەن. رەداكسيانىڭ ول ۇستانىمى وزگەرگەن جوق. الداعى ۋاقىتتا داۋلى ماسەلەنىڭ انىق-قانىعىنا جەتۋ ءۇشىن تاراپتاردىڭ پىكىرى مەن تۇسىنىكتەرىنە سايت بەتىنەن ورىن بەرۋگە، تۋىنداعان داۋدىڭ وڭ شەشىم تابۋىنا نيەتتى ەكەنىن تاعى ءبىر ەسكەرتەمىز. ياعني، Qamshy.kz م. جاقاۋ حاتىندا ايتىلعان جايتتەردىڭ مازمۇنىنا جاۋاپ بەرمەيدى.

سوعان قاراماستان، پورتال ۇجىمى وسى داۋدىڭ ارى قارايعى بارىسىن باقىلاۋعا الۋ قۇقىعىن وزىنە قالدىرا وتىرىپ، پورتالدىڭ ساعادييەۆتەر اۋلەتىنىڭ ابىرويى مەن جەكەلەگەن تۇلعالاردىڭ ىسكەرلىك بەدەلىنە نۇقسان كەلتىرۋدى ماقسات تۇتپايتىنىنىڭ بەلگىسى رەتىندە م. جاقاۋدىڭ جوعارىدا ايتىلعان حاتىن سايتتان الىپ تاستاۋ تۋرالى ۇيعارىمعا كەلدى. Qamshy.kz پورتالىنداعى جاريالانىمعا بايلانىستى قانداي دا ءبىر قولايسىزدىقتار تۋعان بولسا،  تانىمال اۋلەت مۇشەلەرىنەن كەشىرىم سۇرايمىز. الداعى ۋاقىتتا وسى ماتەريالدىڭ جارىق كورۋىنە سەبەپ بولعان حات اۆتورى م. جاقاۋ دا ءوز ويىن ءبىلدىرىپ، قالىڭ وقىرمانعا تۇسىنىك بەرەدى دەگەن سەنىمدەمىز.  

قۇرمەتپەن، Qamshy.kz پورتالىنىڭ رەداكسياسى

پورتالدىڭ ءار جاريالانىمىن ءجىتى قاداعالاپ وتىراتىن جاناشىر وقىرماندار نازارىنا ءبىلىم جانە عىلىم مينيسترلىگى باسپا ءسوز قىزمەتىنەن كەلگەن حات ءماتىنىن دە ەش وزگەرىسسىز ۇسىنۋدى ءجون كوردىك:

«قامشى.كز» پورتالىنىڭ 2016 جىلعى 25 شىلدە كۇنگى «ساعادييەۆتەر اۋلەتىنەن قارىزىمىزدى سۇرايمىز!» اتتى ماقالاسىندا ءىلياس رىسبەك ۇلى ساعادييەۆ دەگەن ازاماتتى قالىڭ جۇرتشىلىققا بەلگىلى عىلىم قايراتكەرى، اكادەميك كەنجەعالي ابەن ۇلى ساعادييەۆتىڭ تۋىسى رەتىندە اتاپ كورسەتتى.

ماقالا جاريالانا سالىسىمەن، بۇل اقپاراتتىڭ دايەكسىز ەكەندىگى انىقتالدى: جاقاۋوۆتار وتباسى اتىنان فەيسبۋك الەۋمەتتىك جەلىسىندە تاراتىلعان اقپاراتتا ولاردان قوماقتى سوماداعى قارجى الىپ، ءتۇرلى سەبەپ-سىلتاۋلارمەن بىرنەشە اي بويى قارىزىن قايتارماي ءجۇر دەگەن ايىپ تاعىلىپ وتىرعان ءىلياس ساعادييەۆتىڭ اكادەميك ساعادييەۆتىڭ اۋلەتىنە تۋىستىق جانە باسقا ەشقانداي دا قاتىسى جوقتىعى انىقتالدى.

زاڭ تالاپتارىنا سايكەس، «قامشى.كز» رەداكسياسىنا دايەكسىز جالعان اقپاراتتىڭ اشكەرەلەنۋى جونىندە تالاپ قويىلىپ وتىر. وسىعان بايلانىستى رەداكسيا كەلەسىنى حابارلايدى: «ساعادييەۆتەر اۋلەتىنەن قارىزىمىزدى سۇرايمىز!» اتتى ماقالادا اكادەميك كەنجەعالي ساعادييەۆ پەن ونىڭ اۋلەتىنە قاتىستى مالىمەتتەر شىندىققا سايكەس كەلمەگەندىكتەن، سونداي-اق وندا كەلتىرىلگەن اقپارات بىرنەشە ازاماتتىڭ، ونىڭ ىشىندە ەلگە تانىمال عالىم مەن مەملەكەتتىك ورگاننىڭ لاۋازىمدى تۇلعاسىنىڭ ابىرويلارىنا، قادىر-قاسيەتتەرىنە جانە ىسكەرلىك بەدەلدەرىنە نۇقسان كەلتىرەتىندىكتەن، كەنجەعالي ابەن ۇلى ساعادييەۆ پەن ونىڭ اۋلەتى مۇشەلەرىنەن كەشىرىم وتىنە وتىرىپ، كەلتىرىلگەن جالعان دەرەكتەردى تەرىسكە شىعارادى.