ۇشاق پەن جولاۋشىلار اۆتوبۋسىنىڭ سوقتىعىسقانى تۋرالى ۆيدەونى فەيسبۋك جەلىسىندە جانات ەرنست دەگەن قولدانۋشى جاريالادى، - دەپ حابارلايدى Qamshy.kz.
«الماتى-قاپشاعاي تاس جولىندا كەلە جاتىپ سۋ-27 مەن اۆتوبۋستىڭ سوعىلعانىنا كۋا بولدىق»، - دەپ جازادى قولدانۋشى.
الماتى وبلىستىق ءىىد اپاتتىڭ الماتى-وسكەمەن تاس جولىندا بولعانىن راستادى.
«اپات قاپشاعاي قالاسىنىڭ سولتۇستىك وتكەلى ۋچاسكەسىندە بولعان. اتالعان فاكت قاپشاعاي قالاسى ءىىب اقپاراتتاردى تىركەۋ جۋرنالىنا تىركەلدى»، - دەيدى ءىىد باسپا ءسوز قىزمەتى.
قورعانىس مينيسترلىگى ۇشاقتىڭ دايىندىققا ارنالعان ماكەت ەكەنىن، ونى تاسىمالداۋ كەزىندە اپات بولعانىن حابارلادى.
«كاماز كولىگىمەن سۋ-27 جويعىش ۇشاعىنىڭ ماكەتى تالدىقورعان-جەتىگەن باعىتىندا تاسىمالدانعان. ءۇش كاماز كولىگىنەن تۇراتىن لەكتى اسكەري اۆتوموبيل پوليسياسى ەرتىپ جۇۇرگەن. الماتىدان 60 شاقىرىم جەردە جول جوندەۋ جۇمىستارى ءجۇرىپ جاتقان. ازاماتتىق اۆتوبۋسپەن سوقتىعىسۋ وقيعاسى ورىن الدى. اپات سالدارىنان زارداپ شەككەندەر جوق. اۆتوبۋستىڭ ارتقى كورىنىس ايناسى قيراعان. ءبىزدىڭ تاراپىمىزدان ەرەجە بۇزۋشىلىق بولمادى»، - دەپ حابارلايدى قورعانىس مينيسترلىگىنىڭ باسپا ءسوز قىزمەتى.
