يسلام عۇلامالارى: «عالىمنىڭ جانە تاقۋا ادامنىڭ قىزمەتى بەسەۋ: «ەگەر ول  اللانى ەسىنە السا – ماقتانادى، ءوزىن ەسىنە السا – تومەن بولادى؛ ەگەر اللانىڭ اياتتارىنا قاراسا – عيبرات الادى، كۇناعا نەمەسە شاھۋاتقا نيەت ەتسە – ءوزىن ودان الىپ قاشادى؛ اللانىڭ كەشىرۋشى ەكەنىن ويلاسا – قۋانادى، كۇنالارىن ويلاسا – اللادان جارىلقاۋ سۇراپ تاۋبە ەتەدى». فاقيھ ءابۋ ءلايس سامارقاندي - مۋعامماردان، زۋحرييدان ريۋايات ەتەدى: «ءبىر كۇنى حازىرەتى ومار ر.ا. اللا ەلشىسىنىڭ ﷺ قۇزىرىنا جىلاپ كەلدى. پايعامبار ﷺ: «ە، ومار نەگە جىلايسىڭ؟» دەپ سۇرادى. «يا، راسۋلۋللاھ، كوشەدە ءبىر جىگىت مەنىڭ جۇرەگىمدى كۇيدىردى» دەدى ومار ر.ا.. پايعامبار ﷺ: «ول جىگىتتى مەنىڭ الدىما الىپ كەل»،- دەپ بۇيىرىپ، الگى جىگىت كەلگەندە – «سەنى نە جىلاتىپ جاتىر، و جىگىت» دەپ سۇرادى. جىگىت: «مەن اللانىڭ ازابىنان قورقامىن» دەدى. پايعامبار ﷺ: «اللاعا سەرىك قوستىڭ با؟» دەپ سۇراعاندا «جوق» دەدى الگى جىگىت. «جازىقسىز ادام ءولتىردىڭ بە؟» دەپ ساۋال قويدى اللا ەلشىسى ﷺ. تاعى دا «جوق» دەگەن جاۋاپ بەرىلدى. سوندا اللا ەلشىسى ﷺ: «البەتتە، اللا تاعالا سەنىڭ كۇنالارىڭدى كەشىرەدى، ەگەر وسى كۇناڭ جەتى قابات اسپانداي، جەتى قابات جەردەي، بيىك تاۋلارداي بولسا دا»، - دەدى. جىگىت: «ەي، اللانىڭ ەلشىسى، مەنىڭ كۇنام وسىلاردان دا ۇلكەن» دەدى. سوندا پايعامبار ﷺ: «سەنىڭ كۇناڭ «كۇرسىدەن» دە اۋىرىراق پا؟» دەپ سۇرادى. جىگىت: «ودان دا اۋىرىراق» دەدى. اللا ەلشىسى ﷺ: «ارشىدان دا اۋىرىراق پا؟» دەپ سۇرادى. جىگىت تاعى دا «ودان دا اۋىرىراق» دەپ جاۋاپ قاتتى. سوندا اللا ەلشىسى ﷺ: «نە كۇنا ىستەدىڭ؟ ماعان ايتشى» دەدى. جىگىت: «و، اللا ەلشىسى، مەن سىزدەن ۇيالامىن» دەدى. پايعامبارىمىز ەكى مارتە سۇراعان سوڭ، جىگىت ىستەگەن كۇناسىن بىلاي دەپ ايتقان ەكەن: «يا، راسۋلۋللاھ»، مەن جەتى جىل بويى قابىرلەردى اشىپ، كەبىندەردى الۋمەن شۇعىلداندىم. ءبىر كۇنى مادينالىق قىزداردىڭ ءبىرى قايتىس بولدى. ونىڭ ءقابىرىن اشتىم دا، ونى كەبىننەن شىعارىپ الدىم. از عانا ۋاقىت وتپەستەن شايتان ءناپسىمدى جەڭىپ، سول قىزبەن قوسىلدىم. سول ۋاقىتتا قىز تۇرىپ. «ساعان اللانىڭ ازابى بولسىن، ەي جىگىت. قيامەت كۇنى اللادان ۇيالمايسىڭ با؟ سول كۇنى ۇكىم ءۇشىن امالىڭ تارازىعا قويىلادى، ءزابىر كورگەندەرگە زالىمداردان اقىسى الىنادى. بۇل ولىكتەر وتانىندا (ءقابىرستاندا) مەنى جالاڭاش تاستاپ كەتىپ باراسىڭ. اللانىڭ قۇدىرەتى الدىندا مەنى جۇنىپتىك كۇيگە ءتۇسىردىڭ»،-دەدى». بۇل جاۋاپتى ەستىگەن پايعامبار ﷺ ورنىنان قارعىپ تۇرىپ، جىگىتتى جەلكەسىنەن ۇستاپ تۇرىپ، يتەرىپ جىبەرەدى دە: «ەي، بۇزىق، سەنىڭ توزاققا كىرۋىڭە مۇنشالىقتى كۇناڭ بار ەكەن، مەنىڭ الدىمنان كەت» دەيدى. جىگىت اللا تاعالاعا 40 كۇن بويىنا تاۋبە ەتىپ شىعادى. قىرىق كۇننەن سوڭ: «ەي، مۇحاممەدتىڭ، ادام اتا مەن حاۋا انامنىڭ راببىسى، ەگەر مەنى كەشىرسەڭ مۇحاممەد پەن ونىڭ ساحابالارىنا ءبىلدىر، ەگەر بىلدىرمەسەڭ اسپاننان وت جىبەرىپ، مەنى ورتە جانە اقىرەت ازابىنان قۇتقار» دەپ دۇعا ەتتى. جابىرەيىل ع.س. پايعامبارىمىزدىڭ ﷺ الدىنا كەلىپ، سالەم بەرىپ: «راببىڭىز سىزگە سالەم ايتتى جانە اللا تاعالا سىزدەن: «بۇكىل الەمدەگى ماقۇلىقتى سەن جاراتتىڭ با؟» دەپ سۇرايدى»، - دەدى. پايعامبارىمىز ﷺ: «جوق، مەنى جانە بارشا ماقۇلىقتى اللا جاراتتى»، - دەدى. جابىرەيىل ع.س.: «راببىڭىز: «ولارعا ريزىقتى سەن بەردىڭ بە؟» دەپ سۇرايدى»، - دەدى. پايعامبار ﷺ: «ولاردى جانە مەنى اللا ريزىقتاندىردى». جابىرەيىل ع.س.: «راببىڭىز: «ولاردىڭ تاۋبەسىن سەن قابىل ەتەسىڭ بە؟» دەپ سۇرايدى»، - دەدى. پايعامبار ﷺ: «مەنىڭ دە ولاردىڭ دا تاۋبەسىن اللا قابىل ەتەدى»،- دەدى. سوندا جابىرەيىل پەرىشتە: «راببىڭىز ول پەندەنىڭ تاۋبەسىن قابىل ەتتىم» دەدى»،-دەيدى. وسىدان سوڭ اللا ەلشىسى ﷺ الگى جىگىتتى شاقىرىپ الىپ: «اللا تاعالا سەنىڭ كۇناڭدى كەشىردى جانە تاۋبەڭدى قابىل ەتتى»، - دەيدى. وسى حاديس جايىندا ءابۋ ءلايس سامارقاندي ايتادى: «بۇل حابارعا اقىلى بار ادام وتە قاتتى ءمان بەرۋى كەرەك. البەتتە ولىكپەن ويناستىق قىلعاننان تىرىلەرمەن ويناستىق قىلۋ اۋىرىراق كۇنا. ويتكەنى، اللا تاعالا تاۋبەسى حاقيقي ەكەندىگىن كۇناسىن كەشىرگەندىگىن جىگىتكە ءبىلدىردى. ال، ءبىزدىڭ تاۋبەمىز قابىل ما؟ كۇنامىز كەشىرىلدى مە؟ ءبىز بىلمەيمىز عوي!»، - دەگەن.

ەربول تولتايەۆ

بالقاش قالالىق ورتالىق مەشىتتىڭ باس يمامى

ihsan.kz سايتىنان الىندى.