ءاربىر تابىستى ادامنىڭ ارتىندا ونى سۇيەتىن، قولدايتىن وتباسى بولاتىنى بەلگىلى. شوۋ-بيزنەستەگى مىرزا-بيكەشتەردىڭ ومىرلىك سەرىگى كوپ جاعداي سىڭارىنىڭ شىعارماشىلىعىن قولداۋ ماقساتىندا «كولەڭكەدە» قالىپ قويادى. سونىمەن، Qamshy.kz ZTB –گە سىلتەمە جاساپ، قازاق ساحناسىنداعى جۇبىن جاسىراتىن جۇلدىزداردى تىزبەكتەيدى.

"ارناۋ" توبىنىڭ ءانشىسى سالتانات باقايەۆانىڭ جولداسى - نۇرجان

سالتاناتتى جولداسى نۇرجانمەن تۋعان قايىنبيكەسى داريا ءجۇسىپ تانىستىرعان. باستاپقىدا جىگىت بويجەتكەنگە ءمان بەرمەگەن. ارادا ءبىر اي وتكەن سوڭ عانا تەلەفون شالىپ، كەزدەسۋگە شاقىرعان. سودان بەرى جۇپتارى جازىلماعان جاس وتباسى بۇگىندە ءامىر جانە ءادىل ەسىمدى ۇلدارىن تاربيەلەپ وتىر. باقايەۆانىڭ جولداسى نۇرجاننىڭ جەكە كاسىپپەن اينالىساتىنى، نوۋتبۋك جقندەيتىن شاعىن فيرماسى بارى بەلگىلى.

ايقىننىڭ جارى - اسەل تولەپبەرگەن

ايقىن ءوزىنىڭ جارىن ەل كوزىنەن كوپ ۋاقىت جاسىرىپ كەلدى. بۇل جۇپ ۋنيۆەرسيتەت قابىرعاسىندا 3 كۋرستا وقىپ جۇرگەندە تانىسقان. اسەل ايقىنعا نازار اۋدارا قويماعان. ءبىر كۇنى ايقىن فورتەپيانوعا وتىرىپ، تارتا باستاعاندا عانا بويجەتكەن بولاشاق "جۇلدىزعا" كوڭىل اۋدارعان. بۇگىندە بۇل وتباسى ەكى بالا تاربيەلەپ وتىر.

ءانشى ءارى پروديۋسسەر رانو ۋماروۆانىڭ جولداسى - ارمان

رانو ۋماروۆانىڭ جولداسى جۇرت نازارىنا ىلىگۋدى ۇناتپايتىندارلدىڭ قاتارىنان. سوندىقتان ءانشى جولداسىمەن بىرگە تۇسكەن سۋرەتتەرىن ءجيى جاريالاماۋعا تىرىسادى. بۇگىنگى تاعدا بۇل جاس اتا-انا ءامىرحان ەسىمدى ۇلدى تاربيەلەپ وتىر.

اكتەر سانجار مادييەۆتىڭ جارى - ءمولدىر مادييەۆا

سانجاردىڭ جارى ءمولدىر ەكونوميست بولىپ جۇمىس ىستەيدى. ولار كەزىندە ورتاق دوستارى ارقىلى تانىسقان. بۇگىندە اكتەر ايەلىن ارتىق اڭگىمەدەن قورعاۋ ماقساتىندا جەكە ءومىرى تۋرالى جاريا ەتە بەرمەيدى.

ءانشى دينارا قىرىقبايەۆانىڭ جولداسى - ولجاس

ءانشى دينارا قىرىقبايەۆا وتكەن جىلدىڭ شىلدە ايىندا تۇرمىسقا شىققان بولاتىن. ونى قولىنا قوندىرعان سەرىنىڭ ەسىمى - ولجاس. تۇرمىسقا شىققاننان كەيىن ءانشى ساحنادان ۋاقىتشا كەتىپ، ءوزىن تولىقتاي وتباسىلىق ومىرگە ارناعان. بۇگىندە كىشكەنتاي قىزى بار ءانشى مەرەكەلىك شارالاردى ۇيىمداستىرۋ اگەنتتىگىن اشىپ العان.

ءانشى بەيبىت كۋشكالييەۆتىڭ جارى - ماقپال داكەيەۆا

بەيبىت كۋشكالييەۆتىڭ وتباسىلى ەكەنىن كوپ ادام بىلە بەرمەيدى. ونىڭ جارى ماقپال تۋرالى دا كوپ دەرەك جوق. بەلگىلىسى بۇل وتباسى ايشا ەسىمدى قىز بەن ابدۋرراحمان ەسىمدى ۇل تاربيەلەۋدە.

اكتريسا قارلىعاش مۇحامەدجانوۆانىڭ جولداسى - بەكبولات

اكتريسا قارلىعاش مۇحامەدجانوۆا 2012 جىلى تۇرمىسقا شىققان. ولىڭ جولداسى كاسىپكەر - بەكبولات بالعىمبايەۆ. تويعا دەيىن جاستار ەكى جىل كەزدەسىپ جۇرگەن. اكتريسا جولداسى مەن جەكە ءومىرىن جاريا ەتە بەرمەيتىندەردىڭ قاتارىنان.

"مۋزارت" توبىنىڭ ءانشىسى مەيرامبەك بەسپايەۆتىڭ جارى - مارحاببات بەسپايەۆا

"مۋزارت" توبىنىڭ ءانشىسى مەيرامبەك بەسپايەۆ ۇزاق ۋاقىتقا دەيىن جەكە ءومىرى تۋرالى كوپ جاسىردى. ونىڭ جارى مارحاببات تۋرالى كوپ نارسە بەلگىلى ەمەس. بۇل ايەل ءوزىن تولىقتاي وتباسىنا ارناعان: بالالاردى تاربيەلەپ، تانىمال جولداسىنىڭ بابىن جاساپ، ۇيدە وتىرادى.

ءانشى مادينا سادۋاقاسوۆانىڭ جولداسى - ولجاس

ماديناسى بولاشاق جولداسى ولجاس سماعۇلوۆپەن 2009 جىلى ءتۇسىرىلىم كەزىندە تانىسقان. بىردەن نازار اۋدارا قويماعان انشىگە ولجاس SMS جازىپ، ءبىر بۋكەت گۇل سىيلاۋعا رۇقسات سۇراعان.ءبارى وسىدان باستالىپ، جاستار 2014 جىلى ۇيلەنگەن. ولجاس سماعۇلوۆتىڭ "حابار" ارناسىندا رەجيسسەر بولىپ جۇمىس ىستەيتىنى بەلگىلى. بۇگىندە ەكى جاستىڭ ءبىر بالاسى بار.

ءانشى نۇرجان كەرمەنبايەۆتىڭ جارى - نازەركە كەرمەنبايەۆا

نۇردان كەرمەنبايەۆ 2015 جىلدىڭ ناۋرىز ايىندا ۇيلەنگەن. ءانشى بولاشاق جارىمەن تاراز قالاسىندا وتكەن كونسەرتتە تانىسقان. نازەركە ءانشىنىڭ تۋعان كۇنىنە سىيلىق جاساۋ ءۇشىن كەزدەسكەن. كوپ ۇزاماي نۇردان قىزدى الماتىعا شاقىرىپ، اناسىمەن تانىستىرادى. ءقازىر جاس وتباسى ءمۇسىلىم ەسىمدى ۇل تاربەلەپ وتىر.

ءانشى ءمولدىر اۋەلبەكوۆانىڭ جولداسى - ارىستان

ءمولدىر اۋەلبەكوۆانىڭ جولداسى ارىستان شىعارماشىلىقتان الىس ادام. دەگەنمەن جارىنىڭ شىعارماشىلىعىنا ءاردايىم قولداۋ ءبىلدىرىپ وتىرادى. اۋەلبەكوۆا دا الەۋمەتتىك پاراقشالارىنا جەكە ءومىرى تۋرالى جازا بەرگەندى ءجون كورمەيدى.

اكتەر داستەن شاكيروۆتىڭ جارى -  بوتاگوز يساعۇلوۆا

"رەكەتير-2" ءفيلمى ارقىلى تانىلعان داستەن شاكيروۆ پەن قازاقستاندىق ديزاينەر بوتاگوز يساعۇلوۆا وتكەن جىلى باس قوسقان. داستەننىڭ ايتۋىنشا، ايەل ادام ەرىنىڭ ايتقانىن ىستەۋ كەرەك، ويتكەنى ەر - وتباسىنىڭ باسشىسى. بوتاگوز شاكيروۆتەر وتباسىنىنڭ بەرەكەسى مەن تىنىشتىعىن ساقتاۋشى.

اكتريسا اينۇر يلياسوۆانىڭ جولداسى - داۋلەت

اكتريسانىڭ ءوزىنىڭ ايتۋىنشا، جولداسى داۋلەتتىڭ شوۋ-بيزنەسكە قاتىسى جوق. ولار ورتاق دوستارى ارقىلى تانىسىپ، تابىسقان. اينۇر يلياسوۆا دا جەكە ءومىرى تۋرالى ايتا بەرمەيتىندەرىڭ قاتارىنا جاتادى.

ءانشى تورەعالي تورەالىنىڭ جارى - تولقىن مىرزاكيموۆا

ءانشى تورەعالي تورەالى 2014 جىلدىڭ سوعىندا تولقىن ەسىمدى ارۋعا ۇيلەنگەن. ءانشى وسى ۋاقىتقا دەيىن وتباسىلى ەكەنىن جاسىرىپ كەلەدى.