ءقازىر قازاقتاندا داۋلى ماسەلە قتل بولىپ وتىر. تۇركيا پرەزيدەنتى ەردوعان «ولار ءقاۋىپتى، جاۋىپ تاستاۋ كەرەك» دەسە، قازاقستان جاعى «ول مەكتەپتەر بىزگە كەرەك، ساپالى ءبىلىم بەرەدى، ونىڭ تۇلەكتەرى حالىقارالىق وليمپيادالاردا مەدالداردى كوپتەپ الۋدا. جانە ءمۇعالىمدارى 90 پايىز قازاق، سوندىقتان جاپپايمىز» دەيدى. بۇل دۇرىس كوزقاراس. تۇركيا باسقا ەل، قازاقستان باسقا ەل. سونسون ەكى ەلدىڭ جاعدايلارى دا وزگەشە. راسىندا دا بۇل مەكتەپتەردىڭ بەرگەن ءبىلىم جانە عىلىمىنا ايتار جوق. 

ەگەر، بۇل مەكتەپتەر تازا عىلىم مەن ءبىلىم بەرىپ جاتسا ەدى، وندا ولاردا ەشكىمنىن شارۋاسى بولماس ەدى. ءبىراق، سول مەكتەپتەردەگى بالالارعا، ەرتەنگى ۋاقىتتا مەكتەپتى ءبىتىرىپ سوت، ارميا جانە ۇكىمەت سىندى بيلىك ورىندارىنا كوتەرىلگەندە، گۇلەنگە قۇل بولۋ، سونىڭ ايتقانىن بۇلجىتپاي ورىنداۋ جايىندا ۇگىت ناسيحات بەرىلىپ جاتسا، وندا ول ءقاۋىپتى.

بۇل 15 شىلدە كۇنى تۇركيادا بولدى. وعان دەيىن اركىم، ەڭ باستا وپپوزيسياداعى پارتيالار بولىپ ەردوعاندى گۇلەنگە ورىنسىز شۇيلىگىپ جاتقانى تۋرالى كىنالاعان ەدى. ءبىراق مۇنىڭ شىندىق ەكەنى 15 شىلدە كۇنى بەلگىلى بولدى. ونىڭ نەگىزگى ۇيىمداستىرۋشى جانە ورىنداۋشىلارىنىڭ گۇلەن مەن گۇلەن مەكتەپتەرىنىڭ تۇلەكتەرى ەكەنىنە وپپوزيسيانىڭ دا، باسقالاردىڭ دا كوزى جەتىپ وتىر.

ەندى مۇمكىن گۇلەن مەكتەپتەرى مۇنداي ءبىر ادامعا قۇلشىلىق ەتۋدى تەك تۇركياداعى، ياعني ءوز ەلىندە قانا ۇگىتتەپ، وزگە ەلدەردە تازا عىلىم جانە بىلىممەن شۇعىلدانىپ جاتقان شىعار. مۇنى ءوز باسىم مەن بىلمەيمىن، كوپ ادام دا بىلمەيتىن شىعار. مىنە ەلباسىنىن كەشە انكارادا ايتقانى وسى ەدى. «مۇنى تەكسەرەمىز، ەگەر ونداي بار بولىپ جاتسا، ءتيىستى شارالاردى كورەمىز» دەدى. كەشە انقارادا، ەلباسى قتل تەكسەرەمىز دەگەندە، وسى ماسەلەنى ايتپاق بولعان. تىلەگىمىز ونداي جەكە باسقا تابىنۋشىلىققا ۇگىتتەيتىن ماقسات، قتل-ىندە بولماسىن، قازاقستان توڭكەرىستىك ارەكەتتەردەن امان جانە تىنىش بولسىن!

ءابدىۋاقاپ قارا

ميمار سينان كوركەم ونەر ۋنيۆەرسيتەتىنىڭ پروفەسسورى، تاريح عىلىمىنىڭ دوكتورى