استانادا ءوتىپ جاتقان جەر كوميسسياسىنىڭ وتىرىسىندا اقىن ءجۇرسىن ەرمان وسىنداي مالىمدەمە جاسادى، - دەپ حابارلايدى Qamshy.kz.
«حالىق ارتقان سەنىمدى اقتادىق پا، اقتامادىق پا، ول بولەك اڭگىمە. بايقاۋىمشا كوميسسيا تاراعالى وتىرمىز. ءوزىن-وزى تاراتىپ، ەلباسىعا العىس ايتقان پارلامەنتتەر بولدى عوي. مەنىڭ ۇسىنىسىم، قانشا موراتوريي جاريالاساق تا، كۇن تارتىبىنەن جەردى ساتۋ، شەتەلدىكتەرگە جالعا بەرۋ دەگەندى الىپ تاستاۋ قاجەت. قازاقتىڭ جەرى ەشكىمگە ساتىلماۋى ءتيىس»، - دەدى ج. ەرمان.
اقىن سونداي-اق، شىعىس قازاقستان، قاراعاندى وبلىستارى فەرمەرلەرىنىڭ ۇسىنىس، تىلەكتەرىن دە جازباشا تۇردە كوميسسيا ءتوراعاسىنا تاپسىراتىنىن جەتكىزدى.
