بەلگىلى پروديۋسەر بايان ەسەنتايەۆا وزىنە قاتىستى ەل اراسىنداعى ءتۇرلى اڭگىمەلەرگە ينستاگرام ارقىلى جاۋاپ بەردى، - دەپ حابارلايدى Qamshy.kz.

«ءوز شىندىعىم وزىمدە، ادامدار ءار نارسەنى ءسوز ەتىپ، وزىنە ىڭعايلى ۇكىم شىعارۋدا. كەز-كەلگەن قاتەلىككە جازا بار…»، – دەپ جازدى ول جاريالاعان كەزەكتى سۋرەتىنىڭ استىنا.

سۋرەتكە قاراپ پروديۋسەردىڭ ءالى دە دەنساۋلىعىن قالپىنا كەلتىرىپ، شەتەلدە دەمالىپ جاتقانىن اڭعارۋعا بولادى. پروديۋسسەردىڭ سۋرەتىنە لايك باسقاندار سانىندا دا ەسەپ جوق. باستىسى جازىلۋشىلاردىڭ دەنى بايانعا «ايتاتىن ەل ايتا بەرسىن، ءبىز سىزبەن بىرگەمىز» دەگەن ويلارىن جەتكىزۋدە.

ەستەرىڭىزگە سالساق، بيىلعى جىلدىڭ 10 ماۋسىمىندا قازاقستاندىق پروديۋسەر بايان ەسەنتايەۆانى كۇيەۋى باقىتبەك ەسەنتايەۆ اۋىر سوققىعا جىعىپ، ول تالعار اۋداندىق اۋرۋحاناسىنىڭ جانساقتاۋ بولىمىنەن ءبىراق شىققان ەدى.

بۇدان سوڭ، ونىڭ كۇيەۋى باقىتبەكتىڭ تۇتقىنعا الىنعانى بەلگىلى بولعان. ال تامىزدىڭ 3 كۇنى  ونىڭ اباقتىدا وتىرۋ مەرزىمى تاعى ءبىر ايعا ۇزارتىلعان بولاتىن. بايان 20 ماۋسىم كۇنى اۋرۋحانادان شىعارىلىپ، كەيىننەن ونىڭ گەرمانيادا ساۋىقتىرۋ ورتالىعىندا جاتقانى بەلگىلى بولعان.