قازاقستاننىڭ ءبىلىم جانە عىلىم ءمينيسترى ەرلان ساعادييەۆ بۇگىن ءبىلىم جانە عىلىم قىزمەتكەرلەرىنىڭ تامىز كەڭەسىندە قازاقستانداعى قازاق-تۇرىك ليسەيلەرىنىڭ جۇمىسىنا قاتىستى ويىن وسىلاي ءبىلدىردى، - دەپ حابارلايدى Qamshy.kz.

«پرەزيدەنتتىڭ تاپسىرماسىنا سايكەس، بعم جۇمىس توبى قۇرىلىپ، جۇمىسىن باستادى. ءبىز تۇرىك تاراپىمەن بايلانىستا جۇمىس ىستەيمىز. الايدا بۇل وقۋ ۇدەرىسىنە قاتىسى جوق. بۇل ءبىزدىڭ قازاقستاندىق مەكتەپتەر جانە ولار قاتاڭ تارتىپتە ەلىمىزدىڭ ستاندارتتارىمەن قىزمەت ەتۋدە. ءبىز بۇل ليسەيلەردى بىرنەشە مارتە تەكسەرگەن ەدىك. ولارعا قاتىستى ەشقانداي نارازىلىق جوق. بۇل تۇرعىدا ليسەيلەر بۇرىنعىسىنشا جۇمىستارىن جالعاستىرادى»، -دەدى مينيستر.

ەستەرىڭىزگە سالا كەتەيىك، 15 شىلدە كۇنى ىستامبۇلدا اسكەري بۇلىك ورىن الىپ، بۇل كوتەرىلىستى «تۇرىك قارۋلى كۇشتەرىنە ەنىپ العان فەتxۋللاxشىل لاڭكەستىك ۇيىمى ۇيىمداستىردى» دەپ جاريالاندى.

وسىعان وراي، قازاقستاندا قوعام اراسىندا KATEV قورىمەن قۇرىلعان قازاق-تۇرىك ليسەيلەرىنىڭ تاعدىرى تاقىرىبى قىزۋ تالقىعا تۇسە باستادى. 

ەلباسى ن. نازاربايەۆ تۇركياعا جاساعان ساپارى بارىسىندا دا بۇل مەكتەپتەردىڭ قازاقستاننىڭ مەملەكەتتىك وقۋ ورىندارى ەكەنىن، وعان ەشقانداي شاعىم جوق ەكەنىن ايتقان بولاتىن.