بۇگىن استانا قالاسى №2 ەسىل اۋداندىق سوتىندا ايىپتالۋشى سەيىتقازى ماتايەۆ پەن اسەت ماتايەۆقا قاتىستى باستى سوت تالقىلاۋى باستالدى. ءىستى سۋديا اقبولات قۇرمانتايەۆ قاراپ جاتىر، - دەپ حابارلايدى Qamshy.kz قازاقپاراتقا سىلتەمە جاساپ.

ايىپتالۋشىلاردىڭ مۇددەسىن ءۇش قورعاۋشى، ياعني اندرەي پەتروۆ، ءمادينا باكييەۆا جانە سەرىكقالي مۋسين قورعاۋدا.

ەستەڭىزگە سالا كەتەيىك، قازاقستان جۋرناليستەر وداعىنىڭ ءتوراعاسى سەيىتقازى ماتايەۆ 2016 جىلعى 22 اقپاندا الماتى قالاسى بويىنشا سىبايلاس جەمقورلىققا قارسى ءىس-قيمىل ۇلتتىق بيۋرو قىزمەتكەرلەرىمەن ۇستالعان بولاتىن. وعان قاتىستى سالىق تولەۋدەن جالتارۋ مەن بيۋدجەت قارجىسىن جىمقىرۋ ايىپتارى تاعىلىپ وتىر.

ەسكە سالا كەتەيىك، 2016 جىلدىڭ 24 اقپان كۇنى سوت قاۋلىسى بويىنشا سەيىتقازى ماتايەۆ ءۇي قاماققا الىنعان. 2016 جىلى 21 شىلدەدە الماتى پروكۋراتۋراسى كۇدىكتى س. ماتايەۆتىڭ ءىسىن استانا قالاسىنىڭ №2 ەسىل اۋداندىق سوتىنا جولدادى.

اعىمداعى جىلى 27 شىلدەدە سوت سەيىتقازى ماتايەۆتىڭ ءۇيقاماقتا بولۋ مەرزىمىن ەكى ايعا - 22 قىركۇيەككە دەيىن ۇزارتتى.

اتاپ ايتقاندا، سوت وتىرىسى اشىق تارتىپتە ءوتىپ جاتىر. وسى رەتتە ب ا ق وكىلدەرى ارنايى زالدا سوت وتىرىسىن ەكران ارقىلى تىكەلەي كورىپ وتىر.