الماتى وبلىسى ەڭبەكشىقازاق اۋداندىق سوتى ەسىك قالاسىندا ايەل زورلادى دەگەن كۇدىكپەن ۇستالعان ءۇش ازاماتتى قاماۋعا الۋ تۋرالى شەشىم شىعاردى، - دەپ حابارلايدى Qamshy.kz وبلىستىق سوتتىڭ باسپا ءسوز قىزمەتىنە سىلتەمە جاساپ.
«ەڭبەكشىقازاق اۋداندىق سوتىندا الماتى وبلىسى ءىىد تەرگەۋ باسقارماسى تەرگەۋشىسىنىڭ ق ر قك 125-بابى 2ء-بولىمى 1-تارماعى بويىنشا (توپتالىپ ادام ۇرلاۋ) كورسەتىلگەن قىلمىسقا قاتىسى بار دەلىنگەن ءۇش ازاماتتى قاماۋدا ۇستاۋ تۋرالى ءوتىنىشش حاتى قارالدى. سوت قاۋلىسىمەن اتالعان ازاماتتارعا ەكى اي مەرزىمدە قاماۋدا ۇستاۋ تۇرىندەگى بۇلتارتپاۋ شاراسى بەلگىلەندى»، - دەلىنگەن باسپا ءسوز حابارلاماسىندا.
بۇعان دەيىن ەسىك قالاسىندا تۇراتىن 30 جاستاعى كەلىنشەكتى 22-29 جاستاعى ءتورت ازاماتتىڭ زورلاپ كەتكەنى تۋرالى حابار تاراعان بولاتىن. ولارعا قىلمىستىق كودەكستىڭ ءتورت بابى بويىنشا ايىپ تاعىلدى. كۇدىكتىلەردىڭ ۇشەۋى قولعا ءتۇسىپ، بىرەۋىنە ىزدەۋ جاريالاندى.
