ءدىلناز احمادييەۆانىڭ ەلباسىنىڭ قاتىسۋىمەن وتكەن ۇلتتىق وليمپيادا قۇراماسىن ماراپاتتاۋ ءراسىمى كەزىندە كيگەن كويلەگى ەل اۋزىنا ىلىكتى، - دەپ حابارلايدى Qamshy.kz NUR.KZ – كە سىلتەمە جاساپ.

بەلگىلى ءانشى الىشەر كارىموۆ جەلى پاراقشاسىنا وليمپيادا سپورتشىلارىن ماراپاتتاۋ راسىمىنەن كەيىنگى سۋرەتىن جۇكتەگەن ەدى. سۋرەتتە الىشەر مەرەكەلىك كونسەرتتە ەلباسى مەن ريو-دە-جانەيروداعى وليمپيادا ويىندارىنىڭ ءبىر توپ جەڭىمپازدارى الدىندا ءان سالعان انشىلەر ماقپال يسابەكوۆا، ءدىلناز احمادييەۆا جانە جانار دۇعالوۆانىڭ ورتاسىندا تۇر.

ءبىر قاراعاندا، جاي عانا ەستەلىك سۋرەت بولىپ كورىنەتىن كادردان قولدانۋشىلار ىلىك تاپتى. جەلى قولدانۋشىلارى بۇل تۋرالى ويلارىن ورتاعا سالىپ، ءتىپتى بىر-بىرىمەن داۋلاسىپ تا الدى.

«ماسقارا!»، «ءدىلناز ءتوسقاپ كيمەگەن بە؟»، «ءدىلنازدىڭ كويلەگى سونداي ما، الدە بۇل مەن ويلاپ وتىرعان نارسە مە؟»، «جوق، بۇل ءسىز ويلاعانداي ەمەس. ول كويلەكتىڭ تىگىسى عوي، كەز-كەلگەن دەنەگە جاپسارلاس كويلەكتى سولاي تىگەدى، جاي عانا ماتاسىنان قاتتى ءبىلىنىپ تۇر»، - دەپ جازدى ولار.

ەسكە سالساق، 26 تامىز كۇنى  استانادا پرەزيدەنتتىڭ قاتىسۋىمەن وتكەن ۇلتتىق وليمپيادا قۇراماسىن ماراپاتتاۋ ءراسىمى بولىپ، ءراسىم سوڭى مەرەكەلىك كونسەرتكە ۇلاسقان ەدى. كونسەرتتە وتاندىق ەسترادا جۇلدىزدارى سپورتشىلاردىڭ قۇرمەتىنە ءان سالىپ، بي بيلەگەن-دى.