2016 جىلدىڭ 25 تامىزى كۇنى الماتى وبلىسى، تالدىقورعان قالاسىندا ورنالاسقان ءى.جانسۇگىروۆ اتىنداعى مادەنيەت سارايىندا الماتى وبلىسى  ءبىلىم بەرۋ قىزمەتكەرلەرىنىڭ «ءبىلىمدى ەل – ماڭگىلىك ەل» اتتى ءداستۇرلى تامىز كەڭەسى بولىپ ءوتتى.

بيىلعى پەداگوگيكالىق كەڭەس ءبىلىم بەرۋ سالاسىن قايتا قۇرۋ، ءبىلىم مازمۇنىن جاڭارتۋ ماسەلەلەرىنە ارنالادى. پەداگوگيكالىق كەڭەسكە وبلىس اكىمىنىڭ ءبىرىنشى ورىنباسارى ل.تۇرلاشوۆ، باسقارما باسشىلارى، اۋدان اكىمدەرى، ءبىلىم بەرۋ مەكەمەلەرىنىڭ ۇستازدارى، ديرەكتورلارى، وڭىرلىك دارىندى بالالارعا ارنالعان ورتالىقتاردىڭ  باسشىلارى مەن وكىلدەرى قاتىستى.

پلەنارلىق وتىرىستىڭ سالتاناتتى اشىلۋىندا الماتى وبلىسى ءبىلىم باسقارماسىنىڭ باسشىسى ءلاززات تىلەۋباي قىزى: «ءبىلىم سالاسىنداعى تىڭ جاڭالىقتاردى يگەرىپ، تۋىنداعان كۇردەلى ماسەلەلەردىڭ وڭ شەشىمىن تابۋ – ۇستازداردىڭ ناتيجەسىندە ايقىندالاتىنى بارشامىزعا ايان. ولاي بولسا، بولاشاق بۇگىنگىدەن دە نۇرلى بولۋىنا ۇستازدار قاۋىمى نىق قاداممەن دايىن بولۋى ءتيىس»،- دەپ تامىز كەڭەسىنە قاتۋشىلاردى جاڭا وقۋ جىلىنىڭ باستالۋىمەن قۇتتىقتادى.  كەڭەس بارىسىندا مەملەكەتتىك ءبىلىم جانە عىلىم سالاسىن دامىتۋ باعدارلاماسىن ىسكە اسىرۋداعى ماڭىزدى ماسەلەلەر تالقىلانىپ، ءبىلىم ساپاسىن ارتتىرۋعا قاتىستى جاڭا ۇسىنىستار ازىرلەنەدى.

الماتى وبلىسى بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى كەنجەحان ءىسلامجان ۇلى ماتىجانوۆ «بىلىكتىلىكتى ارتتىرۋدىڭ جاڭا جۇيەسى: قۇزىرەتتى پەداگوگ – «ماڭگىلىك ەلدىڭ» باستى تۇلعاسى» اتتى بايانداماسىندا: «ءبىزدىڭ الدىمىزدا ەلباسى باستاعان، ەلىمىز قولداعان اسقارالى مىندەتتەر تۇر. ونىڭ ەڭ باستىسى: قازاقستان رەسپۋبليكاسىندا ورتا ءبىلىم مازمۇنىن  جاڭارتۋداعى ءبىلىم بەرۋ رەفورماسىن ءارى قاراي ساپالى جۇزەگە اسىرۋ. ءبىز عىلىمي-ادىستەمەلىك ورتالىق رەتىندە  وبلىس مەكتەپتەرىنىڭ احۋالىنا الەۋمەتتىك زەرتتەۋ جۇرگىزىپ، رەيتينگىن قالىپتاستىرۋعا، ءاربىر ءمۇعالىمنىڭ قىزمەتتىك قۇزىرەتىن ەسەپكە الىپ، باقىلاۋ كارتاسىن جاساپ بەرۋگە دايارمىز»،- دەپ ايتىپ ءوتتى.

تامىز كەڭەسىنىڭ پلەنارلىق ماجىلىسىنەن كەيىن ينستيتۋت ادىسكەرلەرى سەكسيا جۇمىستارىندا مودەراتور بولىپ، وبلىس پەداگوگتارىنىڭ بىلىكتىلىگىن شىڭداۋعا ءوز ۇلەستەرىن قوستى.

تامىز كەڭەسى اياسىندا الماتى وبلىسى ءبىلىم باسقارماسى جانە «ورلەۋ» باۇو» اق فيليالى الماتى وبلىسى  بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ مۇرىندىق بولۋىمەن وبلىستىڭ ءبىلىم بەرۋ ۇيىمدارىنىڭ كورمەسى ۇيىمداستىرىلدى.

پلەنارلىق ءماجىلىس سوڭىندا ۇزدىك ءبىلىم قىزمەتكەرلەرىن ماراتاتتاۋ راسىمىنە ۇلاستى. الماتى وبلىسى ءبىلىم بەرۋ قىزمەتكەرلەرىنىڭ تامىز كەڭەسى ناتيجەسى بويىنشا ءبىلىم بەرۋ مازمۇنىن  جاڭارتۋ يدەيالارىن جۇزەگە اسىرۋعا باعىتتالعان وقۋ ءۇردىسىن جەتىلدىرۋ تۋرالى ۇسىنىمدار قابىلداندى.

گۇلزادا بولەگەنوۆا،

ەكونوميكا جانە بيزنەس ماگيسترى

«ورلەۋ» باۇو» اق فيليالى الماتى وبلىسى  بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتى