الماتىدا ادىلدىك ىزدەپ اشىنعان اقجاۋلىقتى انا، بۇگىن ەرەكشە قارسىلىق اكسياسىن وتكىزدى. قالانىڭ قاق ورتاسىندا ۇستىندەگى كويلەگىن شەشىپ تاستاعان كەيۋانا، ءوزىن مۇنداي قادامعا بارۋىنا اكىمدىك قىزمەتكەرلەرىن ايىپتايدى، - دەپ حابارلايدى Qamshy.kz 31-ارناعا سىلتەمە جاساپ.

تۇل دەنەسىنە التىن القاسىن تاعىپ، اراشا سۇراعان قورعانسىز انا. ەگدە تارتقان اقجاۋلىقتى جاننىڭ كوكىرەگىن قارس ايىرىپ، كيىمىن شەشىپ تاستايتىنداي اشۋىنا تيگەن نارسە – ول وسىعان دەيىن كورگەن قيىندىقتار مەن ادىلەتسىزدىكتەر. فاتيما اپا ينسۋلت الىپ ۇيدە جاتقان وتاعاسى مەن وتباسىن اسىراۋ ءۇشىن مىنا جەمىس-جيدەك ساتاتىن دۇڭگىرشەكتى ورناتقان. اكىم-قارالار اي سايىن سالىعىن تولەپ تۇرامىن دەسە دە ساۋداعا رۇقسات بەرمەپتى. كۇنىمىزدى كورۋ ءۇشىن جاساپ وتىرعان سوڭعى ءۇمىتىمىزدىڭ دە كۇل تالقانى شىعا ما دەپ كۇيىنىپ وتىر كەيۋانا.

فاتيما راقىمبايەۆا، كوپ بالالى انا:

-  ميليسياسى بار، اكىمى بار ما، كەلدى بۇگىن تاڭەرتەڭ. مەن 40 جىل جولداسىممەن ءومىر سۇرگەن بولسام، مەنىڭ ءتانىمدى تەك جولداسىم كورگەن، جالاڭاش ءتانىمدى. مەنىڭ كوگىرەگىمدى ون بالام ەمگەن... ءقازىر وسى جەردە مىڭداعان حالىق ءوتىپ جاتىر...

20 جىل بۇرىن فاتيما راقىمبايەۆا تۋعان-تۋىستارىنىڭ قال دەگەنىنە قاراماي، وتباسىمەن قازاقستانعا ورالعان. الماتىداعى ەسكىلەۋ ءۇيىن ساتىپ، "اقكەنت" ىقشاماۋدانىنان ءبولىپ تولەۋ بويىنشا تۇرىكتىڭ "ايت-حاۋزينگ" كومپانياسىنان پاتەر الادى. الايدا ايلىق تولەم اقىسى قىمباتقا ءتۇسىپ، بىرنەشە جىل تۇرىپ كەلگەن ءۇيدىڭ تولەم گرافيگىن ارزانداتىپ قايتا قۇرۋعا كەلىسپەگەن تۇركيالىق كومپانيا سوت ارقىلى بوساتۋدى تالاپ ەتەدى. ال قالا اكىمى باۋىرجان بايبەكتىڭ اتىنان ەشكىم ۇيدەن شىعارىلمايدى دەپ قانشا ۋادە بەرىلسە دە، فاتيما اپانى باسپاناسىنان قۋىپ شىققان. ءقازىر پاتەر جاعالاپ ءجۇر.

فاتيما راقىمبايەۆا، كوپ بالالى انا:

- ءقازىر بىرەۋدىڭ ۇيىنە كىردىم 150 مىڭ تەڭگە ايىنا تولەپ. مەن ەندى نە ىستەيمىن ءارى قاراي؟ قالاي ءومىر سۇرەم؟ جولداسىم ينسۋلت، تۇك سەزبەيدى. ءوزىم ساحارنىي ديابەت، وعان قوسىلىپ اسقازانىم اۋىردى. ەندى نە ىستەيمىن مەن؟

تۇرعىندار كوپ بالالى انانىڭ جۇرتتان قايىر سۇراماي، ادال ەڭبەك ەتۋىنە مۇمكىندىك بەرسە دەيدى.

قامبار بەيسەنبايەۆا، تۇرعىن:

-  وني حوتيات سۆويم چەستنىم ترۋدوم زارابوتات. حوت ەتي كوپەيكي چتوبى يم بىلو نا كۋسوك حلەبا، نا چاي، نۋن نا ودەجدۋ.

كەيۋانانىڭ الماتى قالاسىنداعى مەملەكەتتىك مەكەمەلەردەن كوڭىلى ابدەن قالعان. قانشاسىنىڭ تابالدىرىعىن توزدىرعان. ەتەگى جاسقا تولىپ، كەمسەڭدەگەن انا ەندى كىمنەن كومەك سۇرارىن بىلمەيدى.