قازاقستاننىڭ ەڭبەك سىڭىرگەن قايراتكەرى، حالىقارالىق «الاش» ادەبي سىيلىعىنىڭ جانە شەشەنستان مەملەكەتتىك سىيلىعىنىڭ لاۋرەاتى، شەشەن رەسپۋبليكاسىنىڭ ەڭ جوعارى مەملەكەتتىك «كومان سيي» («چەست ناسيي») وردەنىنىڭ، رەسەيدىڭ «سەرگەي ەسەنين» التىن مەدالىنىڭ يەگەرى، اقىن ءارى جازۋشى رافاەل نيازبەكتىڭ «تاۋقىمەت» كىتابىنىڭ تۇساۋكەسەر ءراسىمى وتەدى، -دەپ حابارلايدى Qamshy.kz.

كىتاپ اۆتورى بىرنەشە لاۋازىمدى قىزمەتتەردى اتقارىپ، ەرەن ەڭبەگىنىڭ ارقاسىندا سوسياليستىك ەڭبەك ەرى اتانعان اسانباي اسقاروۆتىڭ ازاماتتىق بولمىسى مەن اسقاق رۋحىن، وجەت مىنەزىن سۋرەتتەۋدى ماقسات تۇتقان. تاعدىر-تالايى تالقىعا تۇسكەن اسانباي اسقاروۆ قازاق رەسپۋبليكاسىنا عانا ەمەس، بۇكىل وداق كولەمىندەگى ءىرى تۇلعالاردىڭ ءبىرى ءارى بىرەگەيى ەدى. وسىنداي حالقى سۇيگەن ازامات ءومىرىنىڭ سوڭعى كەزەڭىندە جالاعا ۇشىراپ، تەمىرتورعا قامالىپ، تەكسىزدەردىڭ تەپكىسىنىڭ استىندا كۇن كەشىپ، ادام توزگىسىز ازاپ شەككەن-دى. سوندىقتان اۆتور تۋىندىسىنىڭ اتاۋىن «تاۋقىمەت» دەپ اتاعان. تاۋ تۇلعالى اسىل ازاماتتىڭ بەينەسى اقىن ءارى جازۋشى ر.نيازبەكتىڭ «تاۋقىمەت» رومانىندا، «تامۇق وتىنا جانباعان» پوەماسىندا جانە باسقا دا ولەڭدەرىندە كەڭىنەن ورىن العان.

كىتاپ تۇساۋكەسەرى 15 قىركۇيەك كۇنى ساعات 11.00-دە الماتى قالاسىنداعى م.اۋەزوۆ ادەبي-مەموريالدىق مۋزەي-ۇيىنىڭ ءماجىلىس زالىندا وتەدى (تولەبايەۆ ك-سى، 185 ءۇي).