«Kari» كيىم-كەشەك دۇكەنىندەگى اۋدارمالار جۇرتتىڭ جاعاسىن ۇستاتتى. اتالعان تاۋار بەلگىسىندەگى اۋدارما بويىنشا «ايەلدەر قورقاقتار»  ال،  ەركەكتەر «اتالىقتار» ەكەن.  مۇنداعى تاۋارلاردىڭ قازاقشا اۋدارماسىنان كوز سۇرىنەدى، ءتىپتى ۇلتتىڭ نامىسىن دا قورلايدى. ءبىراق، دۇكەننىڭ باسشىلىعى اۋدارمادان ەش قىمسىنبايدى، - دەپ حابارلايدى Qamshy.kz 31-ارناعا سىلتەمە جاساپ.

«تۋفليالەر اتالىق»، «شىلپىلداقتار بالا»، «قىز بالالار ءۇشىن ساندالدار بالا»، «شالكەلەر اتالىق» «قورقاقتار ايەلدەر». تىزە بەرسەك،  جەتىپ ارتىلادى. بۇل تالدىقورعان قالاسىنداعى «كاri» كيىم-كەشەك نۇكتەسىندەگى تاۋاردىڭ قازاق تىلىندەگى اۋدارمالارى. مۇنداعى قازاق تىلىندەگى سوزدەردى وقۋ ءۇشىن ءتىلدى بۇرمالاۋ ءوز الدىندا، ماعىناسىن دا ءتۇسىنۋ وتە قيىن،- دەيدى تۇرعىندار.

ءاليا،  تالدىقورعان قالاسىنىڭ تۇرعىنى:

- ەشقانداي ماعىناسى جوق. ءتىلىمىزدى مازاق قىلعان سياقتى عوي ءبىزدىڭ. مەملەكەتتىك ءتىلىمىزدى اياققا باسۋ دەپ ەسەپتەيمىن. سوندىقتان مۇنداي قاتەلىكتەرگە جول بەرمەۋىمىز كەرەك. كۇرەسۋىمىز كەرەك.  

ولجاس،  تالدىقورعان قالاسىنىڭ تۇرعىنى:  

- اتالىق دەگەن قازاقشاعا جاتپايدى عوي. اتالىق دەگەن ۇرىق بەرۋشى دەگەن ماعىناسىندا ايتىلعان نارسە. قازىرگى تاڭدا قازاقشا اۋدارمالاردى قازاقشانى بىلمەيتىن ادامدار جاسايدى. رەكلامنىي اگەنستۆالاردى الاتىن بولساق. تىكەلەي اۋدارما.  كومپيۋتەرنىي پەريەۆود قوي.

ءبىر وكىنىشتىسى ساۋدا نۇكتەسىنىڭ باسشىلىعى تاۋارلارداعى ءورىپ جۇرگەن قاتەگە، ماعىناسىز اۋدارماعا ەش قىمسىنبايدى ەكەن. ال ورەسكەل قاتەلىكتەردى ورىسكە مال جايعانداي ورگىزىپ قويعان «كاri» ساۋدا دۇكەنىندەگىلەر ارنايى اۋدارما قىزمەتىنە جۇگىنگەندەرىن جەتكىزدى.

دەنيس پيچۋجكين، «Kari» دۇكەنىنىڭ وڭىرلىك فيليال ديرەكتورى: 

- نام پەريەۆود دەلاەت بيۋرو پەريەۆودوۆ ۆ الماتە. ۋناس ۆسە پەريەۆودى پراۆيلنىە.

- ۆسە پراۆيلنىە، دا؟

- ۆسە پراۆيلنىە.

سامال قابىشيەۆا،  ءتىلشى:

- ءقازىر اۋدارما جاساۋدىڭ ەڭ وڭاي جولى وسى. عالامتورعا جازا سالاسىڭ. ارنايى باعدارلاما ساعان اۋدارىپ بەرەدى. مىسالى، ايەلدەردىڭ ءىش كيىمىن گۋگل اۋدارماشى بىلاي اۋداردى. ءبىراق ونىڭ دۇرىس، قاتە ەكەنىن تەكسەرىپ جاتقان ەشكىم جوق. ءتىل جاناشىرلارى وسىعان دا ەرەكشە ءمان بەرسە.