بۇل تۋرالى  Qamshy.kz حابارلايدى.

“ءبىر كەزدەرى مەن وبلىستاردىڭ بىرىنە اكىم تاعايىندادىم. ەكەۋمىز  ەگىستىك بويىمەن شورتاندىنىڭ نانى ءدامدى مە دەگەن جۋرناليست سۇراعىنا جاۋاپ بەرىپ كەلە  جاتىرمىز، ول “قانداي عاجاپ بيداي، قانداي تاماشا بيداي” دەپ شاتتانىپ ءجۇر. مەن سوندا “توقتاي تۇر، بۇل بيداي ەمەس، ارپا عوي” دەدىم. ونداي دا بولادى. بيدايدىڭ ساپاسى جاقسى، كوڭىلىم تولدى، كوڭىل-كۇيىم كوتەرىڭكى، ويتكەنى ديقاندار استىق القابىن دانگە تولتىرىپتى. اۋا رايى قاراسىپ تۇرعاندا، شاشپاي-توكپەي قامباعا جيناپ، ءوز ەسەپتەرىڭىزگە جاقسى اقشا الساڭىزدار بولار ەدى”، – دەدى .

نۇرسۇلتان نازاربايەۆ اقمولا وبلىسىنا ۇلكەن ءۇمىت ارتىلىپ وتىرعانىن اتاپ ءوتتى.

“اقمولا، قوستاناي جانە سولتۇستىك قازاقستان وبلىستارىنىڭ ءارقايسى 5،5 ملن توننا استىق بەرەدى. بۇگىندە ەلىمىزدە 1 ملرد توننا استىق جينالدى. اقمولا وبلىسى تۇراقتى دامىپ كەلەدى. استانانىڭ ونەركاسىبى ءوڭىردىڭ اۋىل شارۋاشىلىعىنا كومەكتەسۋدە. اقمولانىڭ قالالارىندا ونەركاسىپ ءوسىپ، كاسىپورىندار اشىلىپ جاتىر. تاياۋدا ىسكە قوسىلاتىن ماسال كەن-مەتتاللۋرگيالىق كومبيناتى دا ۇلكەن دەمەۋ بولادى. ءقازىر مەن تاۋار وندىرۋشىلەردەن تاۋەلسىزدىكتىڭ 25 جىلدىعىنا وراي كومەككە مۇقتاج اۋىلدىقتارعا قول ۇشىن سوزىپ، مەكتەپتەردى، اۋرۋحانالاردى، بالاباقشالار مەن كوشەلەردى جوندەپ بەرۋدى سۇرادىم. مۇنىڭ ءبارى ءاربىر اۋىلدا ءومىر ءسۇرۋ ساپاسىن جاقسارتۋ ءۇشىن قاجەت”،- دەپ تۇيىندەدى پرەزيدەنت.

ەستەرىڭىزگە سالا كەتەيىك، مەملەكەت باسشىسى بۇگىن اقمولا وبلىسىنا جۇمىس ساپارىمەن باردى. نۇرسۇلتان نازاربايەۆ ساپار اياسىندا شورتاندى اۋدانىنداعى “جاكەن-1” ج ش س شارۋا قوجالىعىنىڭ جۇمىسىمەن تانىسىپ، ديقاندارمەن، مەحانيزاتورلارمەن اڭگىمەلەستى.