قازاقستاندىق اۋىر اتلەت يليا يليننىڭ لوندون وليمپياداسىندا جەڭىپ العان التىن مەدالى بەسىنشى ورىن العان يراندىق ساەد موحاممادپۋرۋعا بۇيىرۋى مۇمكىن، - دەپ حابارلايدى Qamshy.kz 24.kz - كە سىلتەمە جاساپ.

جاقىندا حالىقارالىق اۋىر اتلەتيكا فەدەراسياسى (IWF) 2012 جىلى وتكەن لوندون وليمپياداسىندا قولا مەدالدى يەلەنگەن مولدوۆيالىق اناتوليي كىرىكتان دوپينگ تابىلعانىن حابارلاعان بولاتىن.

وسىعان دەيىن لوندون وليمپياداسىنىڭ چەمپيونى يليا يلين مەن ەكىنشى ورىن العان رەسەيلىك الەكساندر يۆانوۆتان دا دوپينگ تابىلعانى ءمالىم بولدى. بارلىق اۋىر اتلەتتەر ۋاقىتشا جارىستاردان شەتتەتىلدى. ولارعا قاتىستى شەشىم ءالى شىققان جوق. ءبىراق مەدالدارىنان ايىرۋ مۇمكىندىگى مول. باسقا اۋىر اتلەتتەرگە وسىعان دەيىن ءدال سونداي قاتاڭ جازا قولدانىلعان بولاتىن.

ەگەر بۇل شەشىم قابىلدانسا، يليانىڭ التىن مەدالى بەسىنشى ورىن العان يراندىق ساەد موحاممادپۋرۋعا بۇيىرادى. ال، سەگىزىنشى ورىن العان كورەيالىق كيم مين دجە كۇمىس جۇلدەگەر اتانسا، توعىزىنشى ورىن العان پولشالىق توماش زەلينسكيي قولا جۇلدەنى قانجىعاعا بايلايدى.