الماتىدا تۇرعىن ۇيلەردىڭ ءبىرىنىڭ اۋلاسىندا قوقىس جاشىگىنەن دەنە مۇشەلەرى تابىلعان ەر ادامنىڭ ولىمىنە قاتىسى بار كۇدىكتىلەر بايقوڭىردا ۇستالدى، - دەپ حابارلايدى  Qamshy.kz  قالالىق ءىىد باسپا ءسوز قىزمەتىنە سىلتەمە جاساپ.

الماتى پوليسەيلەرى 1991 جىلى تۋعان ر. سيتاك ەسىمدى ازاماتتى ءولتىردى دەپ تانىلعان كۇىكتىلەردى بايقوڭىر قالاسىنان ۇستاعان. قىركۇيەكتىڭ 7ء-ى  الماتىداعى ابىلاي حان جانە رايىمبەك داڭعىلدارىنىڭ قيىلىسىندا ورنالاسقان ءۇي اۋلاسىنداعى قوقىس جاشىگىندە ەر ادامنىڭ دەنە مۇشەلەرىن تابىلعان بولاتىن.

كۇدىكتىلەر شقو جانە پاۆلودار قالاسىنىڭ تۋمالارى، 1993 جانە 1994 جىلى تۋعان ازاماتتار.  تانىستارىن ولتىرۋگە ارالارىنداعى جاعىمسىز جاعداي cەبەپ بولعان. اۋىر قىلمىستان سوڭ ەكەۋى  الماتىدان قاشىپ، مەملەكەتتىك شەكارادان ءوتىپ كەتپەك بولعان.

قازىرگى كەزدە قالالىق كريمينالدى پوليسيا جانە المالى اۋدانىنىڭ ءىىب قىزمەتكەرلەرىنەن قۇرالعان ارنايى جەدەل-تەرگەۋ توبى كۇدىكتىلەردى بايقوڭىردان الماتىعا الىپ كەلە جاتىر. سوتقا دەيىنگى تەرگەۋ جۇمىستارى جۇرگىزىلۋدە.

ەستەرىڭىزگە سالساق، وسىعان دەيىن الماتىنىڭ ابىلاي حان جانە رايىمبەك داڭعىلدارىنىڭ قيىلىسىندا ورنالاسقان ءۇيدىڭ اۋلاسىنداعى قوقىس جاشىگىندە ەر ادامنىڭ دەنە مۇشەلەرىن تاپقانى جايلى ايتىلعان ەدى. وندا، ادام دەنەسىنىڭ  قالدىقتارى - باسى جانە قولى تابىلعان. كونتەينەردىڭ ىشىندەگى دەنە مۇشەلەرىن قوقىس جاشىكتەرىن قاراپ جۇرگەن ءۇيسىز ادام كورگەن. پوليسەيلەر تەرگەۋ جۇمىستارىن جۇرگىزىپ، كۋاگەرلەردى سۇراستىرىپ جاتىر. وقيعا ورنىنا قالالىق ءىىد-نىڭ باسشىسى سەرىك كۇدەبايەۆ كەلدى. ال تاياۋدا قازا بولعان ەر ادامنىڭ الماتىعا كەنتاۋدان كەلگەنى بەلگىلى بولدى. سونىمەن قاتار، ونىڭ تۋىسى كەلىپ، ءمايىتتى تانىپتى.