«بايتەرەك» حولدينگىنىڭ باسقارما ءتوراعاسى ەربولات دوسايەۆ گونكونگتىڭ قارجى ءمينيسترى دجون سانگ باستاعان گونكونگتىڭ بيزنەس دەلەگاسياسىمەن كەزدەسۋ وتكىزدى، - دەپ حابارلايدى Qamshy.kz 24.kz - كە سىلتەمە جاساپ.
كەزدەسۋدە ءوزارا ىنتىماقتاستىقتىڭ الەۋەتتى باعىتتارى، سونداي-اق بىرلەسكەن جوبالارعا ينۆەستيسيالار ماسەلەلەرى تالقىلاندى.
كەزدەسۋ بارىسىندا «قازىنا كاپيتال مەنەدجمەنت» اق مەن ازيا ينۆەستيسيالىق-قارجىلىق توبى اراسىندا ءوزارا تۇسىنىستىك تۋرالى مەموراندۋمعا قول قويىلدى. مەموراندۋم ينفراقۇرىلىمدىق، كولىكتىك جوبالارعا جانە «نۇرلى جول» مەن «ءبىر بەلدەۋ – ءبىر جول» مەملەكەتتىك باعدارلامالارى شەڭبەرىندەگى لوگيستيكالىق قىزمەت كورسەتۋ سالاسىنداعى جوبالارعا 1 ملرد اقش دوللارىنا دەيىن بىرلەسىپ ينۆەستيسيالاۋ مۇمكىندىكتەرىن كوزدەيدى.
