وڭتۇستىك قازاقستاندا 7 ايدا تاماق ونەركاسىبىنە 3 ملرد تەڭگەدەن استام ينۆەستيسيا سالىنعان. ءدال وسى كورسەتكىش جىل سوڭىنا دەيىن ەسەلەنە تۇسپەك، - دەپ حابارلايدى Qamshy.kz وقو اكىمىنىڭ باسپا ءسوز قىزمەتى بەرگەن اقپاراتقا سىلتەمە بەرىپ حابارلايدى.

ماسەلەن ينۆەستيسيا تارتىلعان جوبالاردىڭ ءبىرى قازىعۇرت اۋدانىندا جۇزەگە اسقان «Lotus Food Company LLC» ج ش س تەز دايىندالاتىن كەسپە جوباسى. بۇل جوباعا 471 ملن. تەڭگە كولەمىندە ينۆەستيسيا سالىنعان. سونىمەن قاتار، 1 ملرد. 900 ملن. تەڭگە ينۆەستيسيا تارتىلعان «شىمكەنت ماي» جوباسى بۇگىندە ءوز ونىمدەرىن ەكسپورتقا شىعارۋدا.

ينۆەستورلاردىڭ ۇزدىك ۇشتىگىندە گەرمانيا، پولشا جانە تۇركيا ەلدەرى كوش باستاپ تۇر.

ايتا كەتەيىك، تاماق ونەركاسىبىن دامىتۋ ماقساتىندا شىمكەنتتە قازاقستاندىق پەن شەتەلدىك جەتەكشى كومپانيالار قاتىسقان «AgroProm Shymkent 2016» كورمەسى ءوتتى.

كورمەدە ازىق-تۇلىك جانە سۋسىن تۇرلەرى، ىدىس پەن قاپتامانى وندىرۋگە ارنالعان ماتەريالدار مەن جابدىقتار ۇسىنىلدى. سونداي-اق، شارا بارىسىندا «وڭتۇستىك قازاقستان وبلىسىندا تاماق ونەركاسىبىن دامىتۋ: ۇردىستەرى مەن پەرسپەكتيۆالارى» تاقىرىبىندا دوڭگەلەك ۇستەل ءوتتى. وندا بارلىق قاتىسۋشىلار ويلارىن ورتاعا سالىپ، دامۋ جولدارىن ءسوز ەتتى.