بۇل جونىندە ءوڭىر باسشىسى ق ر پرەزيدەنتىنىڭ تاراپىنان بەرىلگەن تاپسىرمالاردىڭ ورىندالۋ بويىنشا وتكەن كەڭەيتىلگەن ماجىلىستە ايتتى. سونىمەن قاتار، جيىندا شىمكەنت قالاسىنىڭ اكىمىنە قالانىڭ دامۋ جوسپارىنا قاتىستى ءبىرقاتار تاپسىرمالار بەردى، - دەپ حابارلايدى Qamshy.kz وقو اكىمىنىڭ باسپا ءسوز قىزمەتىنە سىلتەمە جاساپ.

شىمكەنت قالاسىن اگلومەراسيالىق ورتالىق رەتىندە دامىتۋ ماقساتىندا جانە قالا حالقىن ازىق-تۇلىكپەن قامتاماسىز ەتۋ ءۇشىن وبلىستىڭ اۋداندارى مەن شىمكەنت قالاسىنىڭ اراسىندا اۋىل شارۋاشىلىعى ونىمدەرىن قايتا وڭدەۋ وندىرىستەرىن قۇرۋعا بايلانىستى مەموراندۋمعا قول قويىلادى.

«قالانى ازىق-تۇلىكپەن قامتاماسىز ەتەتىن اگرارلىق سەكتوردا شاعىن جانە ورتا بيزنەس بەلدەۋىن قۇرۋدى تاپسىرامىن. سونىمەن قاتار، جاسىل بەلدەۋ قۇرۋ ماقساتىندا باقتار مەن ورمان ايماعىنداعى جەرلەرگە تولىق تەكسەرۋ جۇرگىزۋ قاجەت دەپ بىلەمىن، - دەدى ول.

سونداي-اق، ەلباسىنىڭ تاپسىرمالارىنا وراي، ءوڭىردىڭ جانە اۋدان، قالالاردىڭ ايماقتىق دامۋ كارتاسى جاسالادى.

ايتا كەتۋ كەرەك، وسىمدىك شارۋاشىلىعىنىڭ ماڭىزدى سالالارىنىڭ ءبىرى — باقشا شارۋاشىلىعى، دۇنيەجۇزى ەلدەرىنىڭ بارلىعىنا دەرلىك ءتان. جىلدىق ونىمدىلىگى 600 ملن ت، ونىڭ 70%-دان استامىن ازيا شارۋالارى وسىرەدى. جوعارى ماماندانعان باقشا شارۋاشىلىقتارى ءىرى قالا ماڭدارىندا شوعىرلانعان. ال جەمىس-جيدەك شارۋاشىلىعى تابيعات جاعدايلارى كولايلى جانە كولىك تۇرلەرىمەن جاقسى قامتاماسىز ەتىلگەن جوعارى ماماندانعان ارناۋلى اۋداندار قۇرايدى. باقشا سياقتى بۇل دا كوپ ەڭبەكتى قاجەت ەتەدى.