قىزىلوردا وبلىسى مەن قىتايدىڭ نيڭشيا پروۆينسياسى باۋىرلاس ولكەلەر بولىپ جاريالاندى، - دەپ حابارلايدى Qamshy.kz «نيڭشيا» گازەتىنە سىلتەمە جاساپ.

8 قىركۇيەك كۇنى پروۆينسيا ورتالىعى ينچۋان قالاسىندا قىزىلوردا وبلىسى اۋىلشارۋاشىلىعى باسقارماسىنىڭ وكىلى ۆ. يۆانوۆ پەن نيڭشيا پروۆينسياسى اكىمىنىڭ ورىنباسارى ۋاڭ حى-شان ەكى ءوڭىردىڭ باۋىرلاستىعى تۋرالى حاتتاماعا قول قويعان

سونداي-اق، سول كۇنى قىتايلىق پروۆينسيا باسشىلارى رۋمىنيانىڭ يلوۆ ايماعى مەن نيڭشيا پروۆينسياسىنىڭ باۋىرلاستىعى تۋرالى دا حاتتاماعا قول قويعان. اتالعان شاراعا رۋمىنيا تاراپىنان رۋمىنيا ۇلتتىق ليبەرالدار پارتياسىنىڭ وكىلدەرى، يلوۆ ايماعىنىڭ اكىمى ماريان پەتراكە، قحر تاراپىنان  شەت ەلدەرمەن بايلانىس قاۋىمداستىعىنىڭ ۆيسە-پريزدەنتى شيە يۋان قاتىسقان.

جۇڭگو تاراپىنان راسىمدە قول قويۋشى ۋاڭ حى-شاننىڭ ايتۋىنا قاراعاندا، تاراپتار نەگىزىندە ساۋدا-ەكونوميكالىق، مادەني، عىلىمي بايلانىستاردى ارتتىرۋعا مۇددەلىلىك تانىتقان.