ۇلتتىق عىلىمي انا مەن بالا ورتالىعىندا اقتاۋدا زورلانعان كىشكەنتاي ۆيكانى قولداۋعا باعىتتالعان اكسيا ءوتتى، - دەپ حابارلايدى Qamshy.kz قازاقاپارتقا سىلتەمە جاساپ.
ەلوردا اكىمىنىڭ ورىنباسارى ەرمەك امانشايەۆ، 2016 جىلعى وليمپيادا جۇلدەگەرى گيۋزەل مانيۋروۆا، تەلەجۇرگىزۋشى دينارا ساتجان، اكتەر ءانۋار نۇرپەيىسوۆ پەن ءانشى ايگۇل يمانبايەۆا ارنايى جاسالعان ءۇمىت بۇرىشىنا جۇمساق ويىنشىقتار اكەلىپ قويدى. بۇل تۋرالى اكىمدىكتىڭ باسپا ءسوز قىزمەتىنەن ءمالىم ەتتى.
ۆيكانىڭ ەكى اجەسى اۋرۋحانادا تاۋلىك بويى كەزەكشىلىك ەتۋدە. ۆيكا اۋرۋحاناعا 27 تامىزدا وتە اۋىر حالدە جەتكىزىلدى، قازىرگى كەزدە ول ستاسيونارلىق ەم قابىلداۋ ۇستىندە.
«ۇيىمداستىرۋ، ماتەريالدىق قولداۋ جاعىنان ءبارى دە قاراستىرىلعان، باستىسى، ەسىنە كەلىپ، ساۋىعىپ كەتسە ەكەن. بۇل وتە اۋىر جاعداي، قوعام پەدوفيليامەن بىرىگىپ كۇرەسۋگە ءتيىس، وسىنداي اۋىر قىلمىس جاساعاندار زاڭ بويىنشا قاتاڭ جازالانۋى كەرەك»، - دەدى ەرمەك امانشايەۆ.
ەرتە جاستاعى نيەۆرولوگيا ءبولىمىنىڭ مەڭگەرۋشىسى التىنشاش جاقسىبايەۆانىڭ ايتۋىنشا، ۆيكا ءقازىر ءۇشىنشى دارەجەدەگى كومادا جاتىر.
«ناۋقاستىڭ ءحالى وتە ناشار، فۋنكسيالاردى قالپىنا كەلتىرۋ بويىنشا بولجامدار كوڭىل كونشىتەرلىك ەمەس. وكىنىشكە وراي، ورىن العان جاعدايدىڭ سالدارىنان قىزدىڭ ميىنا وتتەگى جەتكىلىكتى مولشەردە جەتكىزىلمەگەن، سونىڭ ناتيجەسىندە باس ميى اۋىر زارداپ شەگىپ، جۇمىس ىستەمەيدى»، - دەيدى دارىگەر.
وليمپيادا جۇلدەگەرى گيۋزەل مانيۋروۆا ورىن العان وقيعاعا بايلانىستى مەكتەپتەردە ءوزىن-وزى قورعاۋ، سونداي-اق بالالاردى وسى سياقتى جاعدايلاردان ساقتاۋ ءۇشىن كوشەدە ءوزىن-وزى ۇستانۋ ەرەجەلەرىن ءتۇسىندىرۋ بويىنشا ساباقتار ەنگىزۋدى ۇسىندى.
