Kingston Technology Inc. زاۋىتىنىڭ ۆيسە-پرەزيدەنتى كيەۆۋن ۆۋ مىرزا جۋرناليستەرگە ارناپ 2014 جىلدىڭ 6-11 ءساۋىرى ارالىعىندا زاۋىتتىڭ ورنالاسقان جەرى جۇڭگو رەسپۋبليكاسىنداعى شانحاي قالاسىنا جۋرناليستىك ساپار (پرەسس-تۋر) ۇيىمداستىردى.
Kingston كومپانياسىنىڭ الماتى قالاسىنداعى وكىلى الينا نادىروۆا باسشىلىق جاساپ بارعان جۋرناليستىك توپ جۋرناليستىك زەرتتەۋ جاساسا، كومپانيا ول ءۇشىن مۇمكىندىگىنشە بارلىق جاعداي جاسادى. ارنايى كومپانيا باسشىسى كيەۆين ۆۋدىڭ شاقىرتۋىمەن ۇيىمداستىرىلعان ءىس-ساپاردا زاۋىتتىڭ تولىق جۇمىسىمەن تانىسىپ، شيكىزاتتان قالاي دايىن ءونىم الىناتىنىنا كوز جەتكىزدىك. جۋرناليستەرمەن كەزدەسۋدە ءسوز العان نR ديرەكتور انجەلا يانگ Kingston Technology Inc. بويىنشا جالپى مالىمەت بەرىپ، جۇمىس بارىسىمەن تانىستىردى. كومپانيادا جالپى سانى 3500 ادام قىزمەت ەتەدى. ونىمدەر الەمنىڭ بارلىق ەلىندە ساتىلىمدا بار. باس كەڭسە اقش كاليفورنيادا ورنالاسقان. تايۆاندا الىس شىعىستاعى وندىرىستىك كەڭسە ورنالاسقان. «ءبىزدىڭ شانحايداعى زاۋىتتا ەكى لوگيستا ورتالىعىمىز بار. ءبىرىنشىسى، سانبەرري (ۇلىبريتانيا)، ەكىنشىسى دۋبليندە (يرلانديا). تايۆاندا SSD جانە USB قۇرىلعىلارى جاسالادى. بىزدە ValueRAM جانە وپەراتيۆتىك جاد جاساپ شىعارادى. جالپى زاۋىتتىڭ ينۆەستيسياسى 2001 جىلى 65 ملن. دوللاردى قۇرادى. ال، جالپى زاۋىتتىڭ اينالىمى 2014 جىلى 43 ملن. دوللاردى، ال تاۋاردى ەكسپورتقا شىعارۋ 1 ملرد. 800 ملن. دوللاردى قۇراعان. 2001 جىلى زاۋىت ءوز جۇمىسىن باستاعان تۇستا USB جيناقتاۋ قۇرىلعىلارىن جاساۋدان باستاعان بولاتىن. 2010 جىلى SSD جاساۋ قولعا الىندى. زاۋىت 8 ساعاتتان 3 اۋىسىمدا 24 ساعات جۇمىس ىستەيدى»، - دەدى نR ديرەكتور انجەلا يانگ.
وپەراتيۆتى جاد SMT لينيالارى ارقىلى 16 لينيامەن جۇزەگە اسادى. لينيالار اۆتوماتتى تۇردە ارنايى ماشينالار ارقىلى جاسالادى. التى ساعات ىشىندە 1200 داناسىن جاساپ ۇلگەرەدى. ال دايىن ءونىم تەكسەرۋگە جىبەرىلەدى. 300 داناسى 4 لينياعا سالىنىپ، جالپى كولەمى 6000 دانانى قۇرايتىن قۇرىلعىلار ءبىر سالعاندا تەكسەرۋدەن وتەدى. مۇندا جاسالاتىن ءاربىر قۇرىلعىلارعا ءارتۇرلى تەكسەرۋ جاسالىنىپ، تومەن تەمپەراتۋرالى جانە جوعارى تەمپەراتۋرالى بولىپ بولىنەدى. ءبىر كۇندە 50 000 USB شىعارىلادى. قويمانىڭ جالپى بيىكتىگى 16،5 مەرت بيىكتىكتى قۇرايدى. اۆتوماتتاندىرىلعان ماشينا ءاربىر قۇتىنىڭ ورنىنا اپارىپ كەرەك زاتتاردى قويادى، سول جەردەن الادى. ءبىر جيناق جاساۋ ءۇشىن اۆتومات پاللەتتى (جۇك تاسىمالداۋعا ارنالعان ىدىس ءتۇرى) الىپ، ساپانى تەكسەرۋگە كىرىسەدى. ءبىرىنشى، كولەمى ولشەنەدى، تۇراقتىلىعى ولشەنەدى. سوسىن ورايتىن ماتەريال جاسالادى. تەلەديداردان جۇيەنىڭ جۇمىسى كورسەتىلەدى. قاي دەڭگەيدە ەكەنى باقىلانادى. جانە كوسمەتيكالىق اقاۋلارى بار ما سونى قاراپ، تەكسەرۋ جۇمىسى ىستەلەدى. ونىمگە تەكسەرۋ تۇرلەرى وتە كوپ جاسالىنادى: اۆتوماتتىق، كومپيۋتەرلىك، ۆيزۋالدى جانە USBء-دىڭ قىزمەت ەتۋى تۋرالى تەست، وراپ، قاپتاۋ تۋرالى تەست. SSD قۇرىلعىسىنا دا تەست وسىلاي جاسالىپ، جۇك تاسىمالداۋ جۇمىسىنا جەتكىزىلەدى. تاۋاردىڭ بۇل ءتۇرى تايۆاننان شىعارىلادى.
جاد مودۋلدەرىنىڭ 80% وندىرەتىندىكتەن IT تەحنولوگيا بويىنشا نارىقتا بار كومپانيالار اراسىندا Kingston Technology Inc. جوعارى مارتەبەگە يە. زاۋىتتىڭ QA جەتەكشىسى ەگ گوح بولاشاقتا وسى ونىمگە دەگەن سۇرانىس ارتا تۇسەدى دەپ كۇتىلەتىندىگى، ارىپتەستەرىمەن بايلانىس تۋرالى قويىلعان ساۋالعا ونىڭ قۇپيا ەكەنىن، دەگەنمەن ءىرى دەگەن جاپونيا جانە اقش كومپانيالارىمەن تىعىز قارىم-قاتىناستا جۇمىس ىستەيتىندىكتەرىن دە ايتىپ ءوتتى. ينۆەستيسيانىڭ تارتىلۋى قاي دەڭگەيدە دەگەن سۇراققا، بيىل ينۆەستيسيانىڭ كوپ بولىگى جاڭا قۇرىلعىلار الۋعا جۇمسالاتىندىقتان، ودان وزگە ۇلكەن ينۆەستيسيا جوسپاردا جوق ەكەنىن اتاپ ايتتى. 2004-2013 جىلدار ارالىعىندا 65 ملن. دوللار ينۆەستيسيا جاسالعان. ال داعدارىس تۇسىندا كومپانيا، زاۋىت ءوزىن قالاي باقىلاۋدا ۇستاعانى، تۇراقتىلىق ءارقاشان ساقتالىپ تۇراتىندىعىنا توقتالدى. تۇراقتى تۇردە بەلگىلى مولشەردە ءونىمنىڭ ءوندىرىلىپ كەلەتىندىگى زاۋىت جۇمىسىنا وڭ اسەر ەتەدى. سونىمەن قاتار، ءونىمنىڭ ساپالى الدە قولدان جاسالعان جاساندى ەكەنىن ارنايى قاپتامادان بىلە الاسىز، نەمەسە قىتايدىڭ پەكين قالاسىنداعى كەڭسەسىنە حابارلاسىپ بىلۋگە بولادى. جەتەكشى ءارى باسشى رەتىندە ەڭ باستى ءارى ماڭىزدى مىندەتتى اتاڭىزشى دەگەندە «ءبىرىنشى-ساپا. ساپا، ساپا، ساپا» دەپ جاۋاپ بەردى. بۇل ۇجىمداعى باستى قاعيدا ەكەنىن اڭعاردىق. ساپاعا جۇمىس ىستەۋ نارىقتا باسەكەگە قابىلەتتى بولۋدى ءارى ۇنەمى تابىستى بولۋدىڭ كەپىلى دەگەن ۇستانىمدا جۇمىس اتقارىلاتىنىن اڭعاردىق.
ءبىزدىڭ ساپارىمىزدىڭ ماقساتى وسى جوعارىدا اتالعان ءبىزدىڭ كۇندەلىكتى ومىرىمىزدەگى تۇراقتى قولدانىستاعى ونىمدەردىڭ قالاي جاسالاتىنىن ءوز كوزىمىزبەن كورىپ قايتۋ بولاتىن. وسى تۇستا شانحاي قالاسىنداعى زاۋىتتىڭ باسشىلىعى مەن قىزمەتكەرلەرى ۇلكەن دارەجەدە قۇرمەت كورسەتىپ، جىلى جۇزبەن، قۋانىشتى كوڭىلمەن قارسى الدى. الىپ شاھاردا ورنالاسقان زاۋىت تابيعاتى تاماشا جەردە ورنالاسقان. قالالىق اۋەجايدان 45 كم قاشىقتىقتاعى 3-قاباتتى زاۋىتتى تۇگەل ارالاپ، بارلىق ءوندىرىس نۇكتەلەرىمەن تانىستىق. كۇتىپ العان توپتان باستاپ، بارلىعى جۇمىس ورنىندا ارنايى كيىممەن كيىنگەن. اياق كيىم، باس كيىم، دەنە تۇگەل جابىق تۇراتىن سىرت كيىم كيۋ مىندەتتى. سونداي كيىم بىزگە دە بەرىلدى. سودان سوڭ عانا زاۋىتتىڭ ناعىز تابالدىرىعىن اتتاپ، شيكىزاتتان دايىن ونىمگە دەيىنگى پروسەستى باسىنان اياق ارالاپ، كوردىك. جاد ءمودۋلىن جاساۋ ءۇشىن شيكىزات ارنايى قوراپقا سالىنادى. ۇستىنە جەلىم جاعىلىپ، سكانەرلەنەدى. ونىڭ ۇستىنە چيپ ورناتىلىپ، بەكىتىلىپ، دانەكەرلەنەدى. وسىدان سوڭ ءبىرىنشى تەست (تەكسەرۋ) ۇلكەيتكىش اينەكپەن (لۋپا) جاسالادى. ول ارى قاراي ساتىلاي ءبىر جۇمىسى بىتكەن سوڭ اۆتوماتتى تۇردە ەكىنشى، ءۇشىنشى ساتىعا ءوتىپ، قىزمەتكەرلەردىڭ قاتاڭ باقىلاۋىمەن ىسكە اسادى. كەلەسى ساتى تاڭبالاۋ (ماركيروۆكا)، كەسۋ (بىرنەشە مودۋلدەر قاز-قاتار قويىلىپ جاسالعان ءونىم جەكە مودۋلدەرگە بولىنەدى)، ودان ارنايى تارتپاعا (لوتوكقا) كەلىپ تۇسەدى. وسى تۇستا كوزبەن شولىپ، بايقاپ تەكسەرۋ (ۆيزۋالنىي تەست) جۇمىسى جاسالىپ، كولەمى ولشەنەدى. تاعى دا تەكسەرىس. ەندىگى كەزەكتە باعدارلامالاۋ جۇمىسى (پروگرامميروۆانيە) سونان سوڭ تىگۋ (پروشيۆكا)، قايتادان كوزبەن شولىپ، بايقاپ تەكسەرۋ، ساپاسىن تەكسەرۋ (ارنايى ماماندار الىپ قارايدى، ونىڭ ءوزى ەكى جولمەن ەلەكترلىك جانە كوسمەتيكالىق)، بايلاۋ، وراپ، ءتۇيۋ جاسالىنىپ، قويماعا جىبەرىلەدى. ءونىم دايىن. ءبىر تاپسىرىستى ورىنداۋ ءۇشىن 3-4 كۇن ۋاقىت جۇمسالادى. ال ەگەر شۇعىل تاپسىرىستار كەزدەسكەن جاعدايدا 1 كۇننىڭ ىشىندە دايىنداپ بەرەدى.
جادىنىڭ ءبىر جاق بەتى جاسالعان سوڭ، تۋرا سول پروسەسپەن ەكىنشى جاق بەتى دايىندالادى.
ءونىمدى قوراپقا سالۋ، وراپ، ءتۇيۋ ءبارىن اۆتوماتتاندىرىلعان ماشينالار جاسايدى. ال ونى تاپسىرىس بەرۋشى كەلىپ، نەمەسە سەرىكتەس كومپانيالار جانە لوگيستيكالىق كومپانيالار ارقىلى بەلگىلەنگەن جەردەن ياعني قويمادان الىپ كەتەدى. وراسون زور زاۋىتتى ارالاپ بولعان تۇستا، بۇگىندە ادامي فاكتوردى اۆتوماتتاندىرىلعان ماشينالار الماستىرىپ كەلەتىندىگى بايقالادى. دەگەنمەن، بۇل ويىمىزبەن زاۋىت باسشىلىعىمەن بولىسكەن تۇستا ادامي كاپيتال، ادامي فاكتور تولىق ەشقاشان اۆتوماتتاندىرىلمايتىنىن، بۇندا دا ادام كومەگىمەن ىسكە اساتىن، ماشينا جاساي المايتىن جۇمىستىڭ كوپتىگى تىلگە تيەك ەتىلدى. قىزمەتكەرلەر اۆتوماتتىڭ دۇرىس جۇمىس ىستەۋىن قاداعالاپ، قاجەت جەرىن تۇزەپ وتىرادى ەكەن. وسى ورايدا زاۋىتتىڭ پلاتتى مونتاجداۋ جوعارعى لينياسىنىڭ تەحنيكالىق قىزمەتكەرى كەتي يانگپەن جانە تەستىلەۋ بويىنشا ينجەنەر پاتريسيا دجينمەن اڭگىمەلەسۋدىڭ ءساتى ءتۇستى. ءبىزدىڭ بىرنەشە سۇراعىمىزعا كەتي يانگ بىلاي دەپ جاۋاپ بەردى: «مەن تەحنيكالىق قىزمەتكەرمىن. مىندەتىم وسى لينيا ماشينالارىنىڭ جۇمىسىن قاداعالاۋ. اقاۋ دابىلى بولعان جاعدايدا، مەن ونى تاۋىپ، جوندەۋىم كەرەك. ال كومپانيادا 8 ساعات جۇمىس ىستەگەندەرگە ىستىق تاماق تەگىن بەرىلەدى، ەگەر ۇستەمە جۇمىس بولسا، ەكى مەزگىل تاماق بەرىلەدى. سونداي-اق، قىزمەتكەرلەرگە تەگىن اۆتوبۋس، ال جەكە ەلەكترلى موتوسيكلمەن كەلەتىندەرگە كولىك تۇراعىندا تەگىن قۋاتتاپ بەرەدى. ول دا ۇلكەن كومەك». ال پاتريسيا بولسا كومپانيادا 12 جىل قىزمەت ەتىپ كەلەدى ەكەن. بۇل جەردە ۇيرەنگەنى كوپ ەكەنىن، ءالى دە ىزدەنىپ، جاڭا مۇمكىندىكتەرىن دامىتىپ، جۇمىس، ارىپتەستەر ءبارى بىر-بىرىنە قامقورلىقپەن قاراپ، باسشىلىق تاراپىنان دا ۇنەمى وتباسىلىق جاعداي بولسىن، جۇمىس بابىمەن بولسىن قولداۋ كورسەتىلىپ تۇراتىندىعىن ايتتى.
قازاقستانعا تەك شانحاي قالاسىنان ەمەس، كومپانيانىڭ بارلىق كەڭسەلەرىنەن تاۋار اكەلىنەدى. ءونىمنىڭ كوپ بولىگى ءبىزدىڭ ەلگە تايۆاننان جەتكىزىلەدى ەكەن.
كومپانيا تۋرالى قىسقاشا قوسىمشا اقپارات:
Kingston Technology Inc. زاۋىتى – دەرەكتەردى ساقتاۋ قۇرىلعىلارىن شىعارۋ بويىنشا الەمدەگى ەڭ ءىرى ءوندىرىس بازاسى. سونداي-اق، بۇل Kingston-نىڭ بارلىق ءوندىرىس الاڭدارىنىڭ ەڭ ۇلكەن بولىگى. Kingston Technology Inc. زاۋىتى (شانحاي قالاسى، جۇڭگو) 2001 جىلى نەگىزىن قالاعان جانە «پۋدۋن» اۋەجايىنان 45 كم شانحاي قالاسىندا ەركىن ساۋدا الاڭىندا ورنالاسقان. شانحايداعى دۇنيەجۇزىلىك جاد الىبىنىڭ اۋدانى 25 000 شارشى مەتردى قۇرايدى، وندا كۇندەلىكتى SMT (قۇراستىرۋ جەلىلەرىنىڭ) 18 وندىرىستىك كونۆەيەردە 1000 ادامنان تۇراتىن قىزمەتكەرلەر قۇرامى جۇمىس ىستەيدى. Kingston Technology Inc. زاۋىتى ValueRAM جانە وزگە وپەراتيۆتىك جاد (سەرۆەرلىك، ويىن جانە ت.ب.) مودۋلدەرىن شىعارۋ مەن تەستىلەۋگە، SSD جانە كەيبىر فلەش-جاد تۇرلەرىن تولىق تەستىلەۋگە (SSD جانە فلەش-جاد بويىنشا ءوندىرىس كۇشتەرى تايۆانداعى زاۋىتتا ورنالاسقان) بەيىمدەلگەن. Kingston Technology Inc. كومپانياسىنىڭ ءتورت ءوندىرىس كەشەندەرىنىڭ ءبىرى (شانحاي، شەندجەن، تايۆان، اقش).
Kingston Technology Inc. 1987 جىلى دجون تۋ جانە ديەۆيد سان ينجەنەرلەرىمەن قۇرىلعان. بۇگىنگى تاڭدا Kingston دەرەكتەردى ساقتاۋ قۇرىلعىلارىن وندىرۋشىلەر اراسىنداعى دۇنيەجۇزىلىك كوشباسشى (46،2%، ونىڭ ىشىندە 40% Dell، Sony، HP، Aser، Asus، Toshiba، IBM الەمدىك وندىرۋشلىەر جانە وزگەلەر ءۇشىن). Kingston ءونىمدى وندىرگەنگە دەيىن جانە كەيىن تەستىلەۋدى العىشقى بولىپ ەنگىزگەن، بۇل برەندتىڭ اڭىزعا اينالعان ساپا سەنىمدىلىگى مارتەبەسىن قامتاماسىز ەتتى. Kingston دەرەكتەردى ساقتاۋ قۇرىلعىلارىنىڭ بىرنەشە باعىتتارىن شىعارادى. كومپيۋتەرلىك جادتىڭ ءارتۇرلى مودۋل تۇرلەرى ValueRAM – سالالىق ستاندارتتارعا سايكەس كەلۋ ءۇشىن جاسالعان جانە تەستىلەنگەن، جاد مودۋلدەرى. HyperX – گەيمەرلەر ءۇشىن ارنايى جاساپ شىعارىلعان ءونىم سەرياسى. فلەش-جاد (SSD، USB، MicroSD، MiniSD، media reader/writers جانە ت.ب.). قازاقستاندا KingstonTechnology Inc. كومپانياسى 2006 جىلدان باستاپ ۇسىنىلعان، الايدا نارىقتا تەك 2012 جىلدان باستاپ بەرىك قىزمەت ەتە باستادى.
ەڭلىك اقجىگىت
الماتى-شانحاي-الماتى
