شىعىس قازاقستان وبلىسىنىڭ اكىمى دانيال احمەتوۆ جەرلەستەرىن قۇربان ايت مەيرامىمەن قۇتتىقتادى. بۇل تۋرالى وبلىس اكىمىنىڭ باسپا ءسوز قىزمەتى حابارلادى.
«سىزدەردى مۇسىلمان قاۋىمىنىڭ ۇلىق مەرەكەسى - قۇربان ايت مەيرامىمەن شىن جۇرەكتەن قۇتتىقتايمىن!
ەلباسى نۇرسۇلتان ءابىش ۇلى نازاربايەۆتىڭ كەمەل ساياساتىنىڭ ناتيجەسىندە ءدىنارالىق جانە ۇلتارالىق كەلىسىمنىڭ جارقىن ۇلگىسىنە اينالعان قازاقستان ءۇشىن قۇربان ايتتى مەرەكەلەۋدىڭ ورىنى ەرەكشە. بۇل ىزگىلىك پەن مەيىرىمدى، قايىرىم مەن قاناعاتتى ارتتىراتىن، ۇلت پەن ۇلىستى ۇيىستىرىپ، ەل بىرلىگىن نىعايتا تۇسەتىن مەيرام. وسى كۇندەرى كومەككە مۇقتاج جاندارعا كورسەتىلەتىن قولداۋ جۇرەكتەردى جىلۋ پەن ريزاشىلىققا تولتىرادى.
ارداقتى اعايىن، بارشالارىڭىزعا باقىت، مولشىلىق، ىرىس-ىنتىماق تىلەيمىن! ساۋاپتى ىستەرىڭىز بەن ىزگى تىلەكتەرىڭىز قابىل بولسىن!»، دەلىنگەن حابارلامادا.
