الماتى وبلىسىنداعى 100 شاقىرىمنان استام جولعا كۇردەلى جوندەۋ جۇمىستارى جۇرگىزىلەدى. بۇل تۋرالى ايماقتىق قوعامدىق كەڭەس وتىرىسىندا الماتى وبلىسى جولاۋشىلار كولىگى جانە اۆتوجولدار باسقارماسىنىڭ جەتەكشىسى ەرجان جاسىبايەۆ حابارلادى.

بيىل وبلىستا توعىز بيۋدجەتتىك باعدارلاما جۇزەگە اسىپ جاتىر. بەرىلگەن مىندەتتەردى ورىنداۋعا شامامەن 16 ميلليارد تەڭگە ءبولىندى. ونىڭ باسىم بولىگى، ياعني 13 ميلليارد تەڭگە - وبلىستىق بيۋدجەت قاراجاتى. 

جولدار مەن كوپىرلەردى سالۋ جانە كۇردەلى جوندەۋ جۇمىستارى اقشي اۋىلى ماڭىنداعى «بىرلىك-المالىق-رىسقۇلوۆ-كازستروي-اقبۇلاق» جانە «سارىوزەك-قورعاس-قوعالى-كوكسۋ-قارابۇلاق» باعىتى بويىنشا جۇرگىزىلەدى. سونىمەن قاتار، مەكەمە 100 ميلليوننان استام قاراجاتتىڭ قاراساي اۋدانىنداعى «قاسكەلەڭ-شامالعان-ۇزىناعاش» اۆتوجولىنىڭ جەراستى جاياۋ جۇرگىنشىلەر جولىن سالۋعا جۇمسالاتىنىن حابارلادى. سوندا-اق قاراساي مەن ىلە اۋداندارىنداعى «دميترييەۆكا-مەجدۋرەچەنسكوە-قاراوي-قاپشاعاي-كۇرتى» جانە «الماتى-وسكەمەن» جولدارىندا كوپىر تۇرعىزۋ قاراستىرىلعان. 

بيىل قاراتال اۋدانىنداعى «تالدىقورعان-ۇشتوبە-بىجى-مۇقىر» ماگيسترالىندە، كوكسۋ اۋدانىنداعى «بالپىق بي-اقتەكشە» ماگيسترالىندە، جامبىل جانە سارقان اۋداندارىنداعى «ۇزىناعاش-بەسمويناق» جانە «ەكىاشا-امانبوكتەر» تاس جولدارىنداعى اسفالت توسەمدەرى جاڭارتىلادى.