جىل باسىنان بەرى الماتى وبلىسى 269،3 ملرد. تەڭگە ينۆەستيسيا تارتتى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليxاتىندا الماتى وبلىسى اكىمىنىڭ ورىنباسارى باقتيار ونەربايەۆ ءمالىم ەتتى.

"ينۆەستورلارمەن تىعىز قارىم-قاتىناس ورناتۋ - ءبىزدىڭ جۇمىستىڭ باستى باعىتتارىنىڭ ءبىرى. جىل باسىنان بەرى الماتى وبلىسى 269،3 ملرد. تەڭگە ينۆەستيسيا تارتتى. بۇل بيۋدجەتكە تۇسەتىن سالىقتىق تۇسىمدەردىڭ كولەمىن ۇلعايتادى. ءوز كەزەگىندە ول ەكسپورت پەن رەسپۋبليكالىق بيۋدجەتتىك سۋبۆەنسيا ۇلەسىن تومەندەتىپ، جۇمىسپەن قامتۋعا جاعداي جاسايدى"، - دەدى ايماق باسشىسىنىڭ ورىنباسارى.

ونىڭ مالىمەتتەرى بويىنشا، وبلىستا سوڭعى 7 ايدا 14 مىڭنان استام جۇمىس ورىندارى قۇرىلعان.

"جۇمىسپەن قامتۋ - مەملەكەت باسشىسىنىڭ باستى تاپسىرمالارىنىڭ ءبىرى. سونىڭ ارقاسىندا عانا وبلىس ءوزىن-وزى قامتاماسىز ەتە الادى، ەلىمىزدىڭ بەرىك تىلىنا اينالادى"، - دەپ اتاپ ءوتتى ب. ونەربايەۆ.

"سونىمەن قاتار بىلتىر ينۆەستورلاردىڭ ارقاسىندا كوكسۋ اۋدانىندا قانت زاۋىتى ىسكە قوسىلدى. بيىل اقسۋ قانت زاۋىتى قالپىنا كەلتىرىلۋدە. وسىلايشا، الماتى وبلىسى قولدا بار مۇمكىندىكتەردى پايدالانىپ، ەلدى قانتپەن قامتاماسىز ەتۋگە ات سالىسۋدا. ءتىپتى بولاشاقتا ەكسپورتقا شىعاتىن مۇمكىندىكتى قولعا الادى"، - دەپ اتاپ ءوتتى ول.