الماتى وبلىسىنىڭ اۋىلشارۋاشىلىق ءونىم وندىرۋشىلەرى استاناعا 340 توننا ءونىم جەتكىزدى. جارمەڭكە «قۋاتتى ءوڭىر - قۋاتتى قازاقستان» اكسياسى اياسىندا ءوتىپ جاتىر.

وبلىستىڭ 16 اۋدانى، ءۇش قالاسى جانە «جەتىسۋ» اكك 160 ملن تەڭگە بولاتىن اۋىلشارۋاشىلىعى ءونىمىن اكەلدى. ەلوردا قوناقتارى مەن تۇرعىندارىنا اۋىلشارۋاشىلىعى ءونىمىنىڭ 38 ءتۇرى ۇسىنىلادى: ەت جانە ەت ونىمدەرى، بالىق، جەمىس-جيدەك پەن كوكونىستەر، ءسۇت ونىمدەرى، جۇمىرتقا، ازىق-تۇلىك جانە كونديتەرلىك ونىمدەر. جارمەڭكە باۋىرجان مومىش ۇلى داڭعىلىنىڭ بويىنداعى وقۋشىلار سارايى اۋماعىندا 10-11 قىركۇيەك كۇندەرى وتەدى.

اۋىلشارۋاشىلىق جارمەڭكەسىندەگى تاۋارلار قۇنى قالاداعى جەكەلەگەن باعادان 15-20 پايىزعا ارزان. جارمەڭكەگە قويىلعان بارلىق ءونىم ۆەتەرينارلىق جانە سانيتارلى-ەپيدەميولوگيالىق تەكسەرۋدەن وتكەن.